پال سنگھ عارف (1873–1958) دا جم پنجاب دے امرتسر ضلعے دے پنڈ پڈھاری وچ ہویا ۔اوہ رہسوادی شاعر سن ۔ اوہناں نے پنجابی پڑھنا اتے لکھنا پنڈ دے گرنتھی کولوں اتے اردو اک مسلمان سجن کولوں سکھی ۔جوانی وچ پیر پاؤندیاں ہی اوہ پنجابی وچ شاعری رچن لگ پئے سن ۔ اوہناں نوں نیک اتے مذہبی بندیاں دی سنگت بہت پسند سی ۔ اوہناں نے کوئی تن درجن کتاباں لکھیاں ۔ 1949 وچ اوہناں نے 1250 صفیاں دا اپنا شعری مجموعہ 'عارف پرکاش' شائع کیتا ۔