اختر حسین اختر

سید اختر حسین اختر
جمن پو:	ریاست دیر
جیون :	3 مئی 1937 -15 مارچ 2011
گݨ :	پنجابی زبان دے شاعر تے لکھاری

سید اختر حسین اختر (Syed Akhtar Hussain Akhtar)، پنجابی زبان دے شاعر تے لکھاری سن۔

جیون

اختر حسین 3 مئی 1937ء نوں ریاست دیر دے اک پنڈ وچ پیدا ہوئے۔ اوہ 22 ورھیاں دے سی جدوں لہور آئے۔ اوہناں نے اپنی زندگی پنجابی زبان و ادب دی ترقّی واسطے وقف کردِتی۔ اوہناں نے 1965ء وچ پنجابی رسالہ لہراں دا اجراء کیتا جیہڑا ہُݨ تک مسلسل شائع ہو رہیا اے۔ اختر حسین نے پنجابی واراں اُتے پی ایچ ڈی کیتی، اوہناں دا تھیسز 800 صفحیاں اُتے محیط سی۔

اختر حسین سکول وچ استاد سن۔ اوہ 1997ء وچ گورنمنٹ سیکرڈ ہارٹ کیتھڈرل سکول توں بطور ہیڈ ماسٹر ریٹائر ہوئے۔

پنجابی رسالہ لہراں

تفصیلی لی لئی ویکھو: لہراں
پنجابی رسالے لہراں دی بنیاد پنجابی زبان تحریک دے علمبردار سید اختر حسین اختر نے مارچ 1965ء وچ فقیر محمد تے معروف پنجابی ادیباں عبدالحمید امر، حکیم شیر محمد ناصر تے خضر تمیمی دی سرپرستی وچ رکھی سی۔ رسالے دے پہلے شمارے دا سرورق مصوّر تے بعد وچ سیاستدان تے وزیر اعلا پنجاب حنیف رامے نے ڈیزائن کیتا سی۔ لہراں دا تعلق پراݨی انارکلی دے ماڈرن پنجابی کالج توں سی، جیہنوں اختر حسین اختر نے وی قائم کیتا سی تے طلباء نوں رسالے دی رکنیت حاصل کر دی ضرورت سی۔ طلباء نے دفتری امور وچ وی مدد کیتی۔ ہُݨ ایہ رسالہ اختر حسین اختر دے پُتر علی عرفان اختر تے دھی کلثوم اختر دی سرپرستی وچ شائع ہورہیا اے۔ علی عرفان اختر رسالے دے چیف ایڈیٹر نیں۔

کتاباں

• کِھلرے موتی
• دل دیاں پیڑاں
• فن تے فنکار
• پنجاب کی لوک رسمیں