فرید الدین مسعود
| فرید الدین مسعودؒ | |
| جیون | |
| جمیا | 1173ء |
| تھاں |
کوٹھے وال پنڈ ملتان |
| مریا | 1266ء |
| تھاں | پاکپتن |
| مرشد | قطب الدین بختیار کاکیؒ |
| شگرد | نظام الدین اولیاءؒ تے صابر کلیریؒ |
| کم | اسلام دی تبلیغ - شاعری |
فرید الدین مسعود (1173-1266) نوں پنجابی دا پہلا شاعر تے اک پیر گنیا جاندا اے۔ اوہ پیراں دی اک ٹولی چشتیہ دے آگو سن۔ اوہ ملتان دے نیڑے جمیا تے چوکھا جیون پاکپتن لنگہایا تے اوہتھے ای اوہنوں دبیا گیا۔ اوہدی شاعری دے کج حصے سکھ مت دی پوتھی گرنتھ صاحب وچ ہے نیں۔
ناںلکھو
فرید الدین مسعود دا اصل ناں مسعود سی تے فرید الدین اوہناں اپنے ناں نال جوڑیا۔ اوہدے ناں نال گنج شکر جوڑیا جاندا اے پر اوہناں دے ویلے تے مگروں کسے تھاں تے گنج شکر دا ناں نہیں ملدا۔ فرید دے شگرد تے اوہناں مگروں چشتیہ ٹولی دے آگو نظام الدین نے کسے تھاں تے وی گنج شکر دا شبد اوہناں لئی نہیں ورتیا[۱]۔ نظام الدین فرید نال چوکھا چر لنگھایا تے اوہ فرید دے ٹبر نوں وی جاندے سن۔ پیراں دی جیون کتھا تے فرید دے مرن مگروں دو سو ورے دے چر نال لکھی گئی کتاب سیرت اولیاء وچ وی کدے گنج شکر دا ناں ورتیا گیا تے ناں ایں کسے ایس ناں نال رلدی کرامت بارے لکھیا اے۔
جیونلکھو
فرید الدین مسعود 1173 نوں ملتان دے نیڑے اک پنڈ کوٹھے وال چ جمے۔ اونہاں دے پیو دا ناں جمال الدین سلیمان تے ماں دا ناں مریم بی بی سی۔ مسعود دے پرکھ افغانی سن۔ منگولاں دی چڑھائی تے وڈاٹکی توں کابل ولوں اوہ پنجاب ول جان بچان لئی آۓ۔ اوس توں پچھے اوہناں دے پرکھاں بارے کوئی گل پک نال نہیں ملدی۔ فرید دا پیو اپنے پنڈ دی مسیت دا امام سی۔ اوہناں دے گھر پنڈ دی مسیت دا امام ہون باجوں کوئی پیسہ ٹکا تے کوئی نہیں سی پر فرید تے اوہدا بھرا پڑھ لکھ گۓ۔ فرید نے کج ویلا دلی تے ہانسی چ گزاریا۔ قطب الدین بختیار کاکی فرید دے گرو سن۔ اجودھن جاندیاں ہوئیاں فریدکوٹ وچ اونہاں دا میل نظام الدین اولیاء نال ہویا جیڑے بعد چ اونہاں دے خلیفہ بنے۔ قطب الدین بختیار کاکی دے مرن مگروں فرید اوہناں دے خلیفہ ہؤۓ۔
اجودھن جیہڑا مگروں پاکپتن اخوایا اوتھے فرید نے انت دا جیون گزاریا۔ اوہناں دے بارے نہیں پتہ جے گزارا کنج ہوندا سی پر لکھتاں توں ایہو ای دسد اے جے لوکاں دے دتے تے گزارا سی۔ جیون بہت سادھ سی۔ بابا فرید بارے اینے پلیکھے پۓ نیں جے اوہناں بارے اصل کہانی قصیاں وچ ای دبی گئی اے۔ بابا فرید دی مولویاں نال ناں بنی۔ بابا فرید ہوریں اپنی مسیت وج گاندے تے نچدے سن تے موسیقی وی وجاندے سن۔ تھاں دے قاضی ایس گل دے خلاف سن تے ایہناں نوں تے ایہناں دیاں جواکاں نوں پیڑا کیندے سن[۱] پر ایہ گل کوئی نویکلی نہیں سی اوہناں دے مرشد تے گرو قطب الدین بختیار کاکی تے معین الدین چشتی وی ایہ ای کردے سن۔
بابا فرید دی موت 1266 وچ وئی تے اوہنا نوں پاکپتن وچ ای دبیا گیا۔
شاعریلکھو
بابا فرید نوں پنجابی دا پہلا شاعر منیا جاندا اے۔ سکھ مت دے گرو، گرو نانک نے 120 دے نیڑے شعر تے نظماں سکھاں دی پوتر گرنتھ صاحب وچ پائیاں نیں۔
ٹبرلکھو
بابا فرید دے پنج پتر تے تن دھیاں سن۔ رنجیت سنگھ دے ویلے بابافرید دا ٹبر پاکپتن تے راج کردا سی تے رنجیت نوں ٹیکس دیندا سی۔
فریدکوٹلکھو
بابا فرید دے ناں توں پعارتی پنجاب چ فریدکوٹ دے ناں دا اک شہر وی وسدا اے۔ پعارتی سرکار نے ایتھے بابا فرید یونیورسٹی آف ہیلتھ سائینسز وی بنائی اے۔ اونہاں دے ناں تے اک یونیورسٹی ساہیوال پاکستان چ وی بنائی گئی اے۔