پہلا صفہ کھولو

ستھرا شاہ (1615) پنجابی شاعری چ ٹچکر تے مخول دا پہلا شاعر سی۔ اودھے پیو دا ناں نندا کھتری سی تے اوہ بارہ مولا دے نیڑے بہرام پور چ جمیا۔ اوہ گرو گوبند دا عقیدتمند سی۔ سدھی تے دوٹوک گل کردا سی ایس کر کے ستھرا (یعنی سدھی تے منہ تے کھری گل آکھن والا) ناں پے گیا۔ تحقیقات چشتی وچ مولوی نور احمد چشتی نکھدے نے کے ایدھا اصلی ناں چندرمل سی۔ اک وار اے گرو ہرراۓ دی رسوئی وچ کھانا پکا ریا سی کہ باروں بانواں ناں دے فقیر نے سدا لائی "چونکے دیا بلونگڑیا جے کج ہووے تے کل" چندرا مل اگوں بولیا "چونکے دے کتے صبر کر" اے سن کے بانواں فقیر نے آکھیا "ستھرا جواب دتا ای" ایتھوں ایدھا ناں چندرامل ستھرا مشہور ہو گیا جیڑا کٹدا کٹدا ستھرا رے گیا۔ ایدے کئی شعر تے مصعرے اکھاناں دا درجہ اختیار کر چکے نے۔

  • کوئی مرے کوئی جیوے ستھرا گھول پتاسے پیوے۔
  • دھیان گھیان سب ستھرےیا دونہا ٹاپاں دے ہیٹھ
    جے یقین نئیں آندا تاں پھکیاں رے کہ ویکھ
  • اکھ پھڑکنی نا ملی منہ وچ رے گئی گراہ
    لکھ لعنت اے ستھریا جے دم دا کریں وساہ

  • آر گنگا پار گناگا وچ میں تے توں
    لہنا لیناں ستھریا! ناسیں دے کے دھوں