پرویز مشرف
| پرویز مشرف | |
| جنمستھان : | دہلی, ہندستان |
| جمن دیہاڑا : | 11 اگست 1943 |
| فوجی عُہدہ : | آرمی چیف
(6 اکتوبر 1998 - 29 نومبر 2007) |
| عوامی عُہدا : | صدر پاکستان
(20 جون 2001 - 18 اگست 2008) |
| انتظامی عُہدا : | چیف ایگزیکٹو پاکستان
(12 اکتوبر 1999 - 20 جون 2001) |
| ماں : | زریں مشرف |
| پیو : | مشرف |
| گھر آلی : | صہبا مشرف |
| نیاݨے : | 1 پُتر، 1 دھی |
پرویز مشرف پاک فوج دا اک آگو سی۔ اوہنوں وزیر اعظم نواز شریف نے 6 اکتوبر 1998 نوں جنرل جہانگیر کرامت مگروں آرمی چیف بنایا۔ 12 اکتوبر 1999 نوں اوہنے پاکستانی راج تے مَل مار لیا تے 18 اگست 2008 تک پاکستان دا صدر رہیا۔
جیونلکھو
سید پرویز مشرف 11 اگست 1943 نوں دہلی ہندستان چ جمیا۔ پاکستان بنݨ مگروں اوہدے ماں پیو پاکستان آگۓ۔ پرویز مشرف نے اپنی تعلیم فارمین کرسچن کالج تے دوجے اداریاں توں حاصل کیتی۔ 1965 چ پاک فوج چ بھرتی ہویا۔ 6 اکتوبر 1998 نوں وزیر اعظم پاکستان نواز شریف نے اوہنوں پاک فوج دا آرمی چیف بنا دتا۔ 12 اکتوبر 1999 توں 18 اگست 2008 تھئیں پاکستان دے راج اُتے مَل ماری رکھیا۔
پرویز مشرف تے نواز شریف چ کِھچ تہرھولکھو
پرویز مشرف نے کارگل دی لڑائی نواز شریف نوں دسے بغیر چھیڑدتی۔ ایس توں مگروں نواز شریف تے پرویز مشرف دے وچکار کِھچا تہوئی شروع ہوگئی۔ نواز شریف نے پرویز مشرف نوں آرمی چیف دے عُہدے توں لاہوݨ لئی تال میل شروع کردتا تے چُپ چپیتے تے وِچو وِچ پرویز مشرف نوں ہٹاوݨ لئی منصوبہ بندی کرلئی ۔ پرویز مشرف نوں ایس گل دا پتہ سی کہ نواز شریف اوہدے خلاف تال میل کردا اے۔ دوویں اک دوجے نوں ہٹاوݨ واسطے موقعے دی تاک چ سی۔ پرویز مشرف 12 اکتوبر 1999 نوں شام ویلے جہاز چ سری لنکا توں واپس آ رہیا سی تے نواز شریف نے اوسے ویلے پرویز مشرف دے جہاز دے پاکستان چ لہݨ توں پہلاں پہلاں اسلام آباد چ پرویز مشرف دی تھاں تے جنرل ضیا الحق بٹ نوں آرمی چیف لاوݨ دے گُپتی منصوبے دا پربنھ کیتا ہویا سی تے پرویز مشرف نے نواز شریف ولوں ہوݨ آلے ممکنہ وار توں نبڑݨ لئی پہلاں ای اپݨے تھللے جرنیلاں نال رل کے تیاری کیتی ہوئی سی۔ اسلام آباد چ پاک فوج دے آرمی چیف نوں بے ڈھنگے تے بھونڈے طریقے نال بدلݨ توں کُچھ چِر مگروں پرویز مشرف دے وفادار ماتحت جرنیلاں نے نواز شریف نوں گرفتار کر لیا تے اپنی جرنیلی دے بل بوتے اُتے راج تے مَل مارلیا۔ پرویز مشرف دے مقابلے چ نواز شریف دی منصوبہ بندی بودی تے بھونڈی سی۔ پرویز مشرف پہلے توں طے شدہ تے منصوبہ بند طریقے نال چیف ایگزیکٹو دا عُہدا گھڑ کے پاکستان دے راج دے سنگھاسن تے براجمان ہو گیا تے 18 اگست 2008 تک پاکستان دے چِٹے کالے دا مالک بݨیا رہیا اوس ویلے تھئیں کہ اوہنوں راج چھڈݨ تے مجبور کیتا گیا۔ نواز شریف نوں جیل چ پا دتا گیا تے نالے اوہدے اُتے جہاز اغوا دا مقدمہ بݨا دتا۔
مشرف اُتے الزاماتلکھو
- مشرف نے دو واری مارشل لا لایا۔
- کارگل تے ناکام چڑھائی کیتی۔
- پاک فوج نوں اپنے ذاتی کماں لئی ورتیا۔
- پاکستان دے لوکاں نال لڑائی چھیڑی۔
- نیب نوں سیاسی وفاداریاں واسطے ورتیا۔
- اکبر بگٹی نوں قتل کرایا۔
- لال مسیت تے ہلا بولیا تے لوکاں نوں مروایا۔
- عدالتاں تے ہلا بولیا۔
- این آر او جاری کیتا۔
- 12 مئی 2007 نوں لوکاں نوں کراچی چ مروایا۔
- جیکب آباد، پسنی تے شمسی ہوائی اڈے، پرویز مشرف نے امریکہ نوں دتے۔
ہور پڑولکھو
باہرلے جوڑلکھو
- [1] گو مشرف گو یو ٹیوب تے
- قیدی نمبر 1500
| گن ناپ تے اے آرٹیکل نکا اے۔ | |
| ' |