احمد یاسین

فضیلۃ الشیخ
احمد یاسین
(عربی وچ: أحمد إسماعيل ياسين)
جم	28 جون 1929   الجورہ، یروشلم
وفات	22 مارچ 2004 (75 سال)  غزہ
مدفن	شیخ رضوان
شہریت	دولت فلسطین مینیڈیٹری فلسطین (۱۹۳۶–۱۹۴۸)
جماعت	اخوان المسلمین
رکن	حماس
تعداد اولاد	11
عملی زندگی
مادر علمی	جامعہ الازہر
پیشہ	فعالیت پسند ،  سیاست دان ،  عالم مذہب ،  استاد ،  واعظ
پیشہ ورانہ زبان	عربی
مؤثر	عزالدین القسام ،  حسن البنا ،  سید قطب ،  امین الحسینی
	IMDB اُتے صفحات

فائل:Ahmad yassin.jpg

شیخ احمد یاسین

فائل:HamasLogo.jpg

leftحماس دا نشان

حماس دا جھنڈا

شیخ احمد یاسین (پیدائش :1938ء - انتقال: 22مارچ 2004ء) فلسطین دی مزاحمتی تحریک حماس دے بانی تے روحانی پیشوا سن ۔ اوہناں نے 1987ء چ عبدالعزیز رنتیسی نال مل کے حماس دی تشکیل کیتی سی ۔

شروع دا جیون

شیخ احمد یاسین 1938ء چ پیدا ہوئے ۔ اوس ریلے فلسطین تے برطانیہ دی حکمرانی سی ۔ پچپن ج اک حادثے دے نتیجے چ اوہ چلن پھرن توں آتر (مجبور) ہو گئے ۔ جس دے مگروں اوہناں نے اپنا جیون اسلامی تعلیمات لئی وقف کر دتا ۔

اوہناں نے مصر دے راجگھر قاہرہ توں تعلیم حاصل کیتی ، قاہرہ اوس ویلے اخوان المسلمین دا مرکز سی ۔ ایہہ عرب دنیا دی پہلی اسلامی سیاسی تحریک سی ۔

ایتھے ای اینہاں دا ایہہ عقیدہ پکا ہندا گئیا کہ فلسطین اسلامی سرزمین اے تے کسے وی عرب رہنما نوں ایہہ حق حاصل نئیں کہ اوہ اسدے کسے وی حصے توں دستبردار ہو جائے ۔

اوداں تاں فلسطینی انتظامیہ سمیت عرب رہنماواں نال اینہاں دے تعلقات استوار رہے پر اینہاں دا ایہہ پکا خیال سی "نام نہاد امن دا راہ ،امن نئیں اے تے نا ای امن جہاد تے مزاحمت دا متبادل ہو سکدا اے "

حماس دا قیام

فائل:Shiekahmedyassin300.jpg

حماس دے بانی احمد یاسین

دبلے پتلے جثے دے مالک شیخ احمد یاسین دی نظر بوہت ای کمزور سی تے اوہ بوہت ہولی آواز چ گل بات کردے ہندے سن ، پر اس دے باوجود اوہ اینہاں تمام فلسطینیاں دی امیداں دا مرکز سن ، جہڑے اس تصور توں مایوس ہو چکے سن کہ امن اینہاں دے جیون چ کوئی تبدیلی لیا سکدا اے ۔

شیخ یاسین نوں سب توں پہلے 1987ء چ علمی شہرت ملی جدوں اوہ انتفاضہ اول دے موقع تے ساہمنے آئے ۔

اوس ویلے فلسطینی اسلامی تحریک نے حماس دا ناں اختیار کیتا ، جس دے معنی جوش تے جذبہ دے نیں ، تے شیخ یاسین اس دے روحانی قائد چنے گئے ۔

1989ء چ اسرائیلی فوج نال تعاون کرن آلے فلسطینیاں دے قتل دا حکم دینہہ دی پاداش چ اسرائیل نے اینہاں نوں عمر قید دی سزا سنائی سی ۔ 1997ء چ اوہناں نوں 2 اسرائیلی ایجنٹاں دے بدلے رہا کر دتا گئیا ۔ جنہاں تے اردن چ فلسطینی رہنماواں نوں قتل کرنے دا الزام سی ۔ تاہم اسیری دے اینہاں [دن|[دناں]] چ اینہاں دی ممقبولیت چ بے پناہ وادھا ہوئیا تے اوہ فلسطین دی جہادی مزاحمت دی علامت بن گئے ۔

اوہ اردن چ ہونہہ آلی عقبہ سربراہ ملاقات تے مذاکرات دے نتیجےآں توں وی مطمئن نئیں سن ۔اس ملاقات چ امریکہ ، اسرائیل تے فلسطینی رہنماواں نے اک دوجے نال ملاقاتاں کیتیاں سن ۔اس سربراہ کانفرنس دی خاص گل ایہہ سی کہ اوس ویلے دے فلسطینی وزیراعظم محمود عباس نے تشدد نوں ختم کرنے دے عزم دا اظہار کیتا سی ۔

اسرائیل اینہاں نال شدید نفرت دا اظہار کردا رہئیا اے بلکہ اینہاں نوں فلسطینیاں دا اسامہ بن لادن قرار دیندا رہئیا اے ۔

شہادت

شیخ یاسین ستمبر 2003ء ج اک قاتلانہ حملے چ زحمی ہوئے تے 22 مارچ 2004ء چ اسرائیل دے اک گن شپ ہیلیکاپٹر دے میزائل حملے چ جان بحق ہو گئے ۔ اوس ویلے آپ فجر دی نماز دی ادائیگی لئی جا رہے سن ۔ حملے چ اینہاں دے محافظاں سمیت 10 دوجے بندے وی مارے گئے تے شیح یاسین دے دو پتراں سمیت 12 توں ودھ بندے زخمی ہوئے ۔

باہرلے جوڑ

• عالمی یوم شیخ احمد یاسین Archived 2010-06-19 at the وے بیک مشین
• اسلام آن لائن تے احمد یاسین Archived 2010-08-22 at the وے بیک مشین
• شیح احمد یاسین کون اے