ٹیپو سلطان(10 اکتوبر 1750- 4 مئی 1799) ہندستان چ انگریزاں دے خلاف جدوجہد کرن آلے آخری حکمران سن ۔ اینہاں دا پورا ناں فتح علی ٹیپو سی ۔ اینہاں تے اینہاں دے والد حیدر علی نے جنوبی ہند چ 50 سال انگریزاں نوں روکے رکھیا تے کئی وار انگریزی فوجاں نوں شکست فاش وی دتی ۔ ٹیپو سلطان دا قول اے " شیر دی اک دن دا جیون گدڑ دی سو ورہیاں دے جیون توں بہتر اے "

ٹیپو سلطان
Tipu Sultan
Tipu Sultan BL.jpg
معیاد عہدہ 29 دسمبر 1782ء – 4 مئی 1799ء
خاندان سلطنت خداداد میسور
والد حیدر علی
والدہ فاطمہ فخر النساء
پیدائش 20 نومبر 1750(1750-11-20)[1]بنگلور ، کرناٹک
وفات 4 مئی 1799(1799-05-04) (عمر 48)سرنگاپٹم ، کرناٹک
تدفین سرنگاپٹم ، کرناٹک
12°24′36″N 76°42′50″E / 12.41000°N 76.71389°E / 12.41000; 76.71389متناسقات: 12°24′36″N 76°42′50″E / 12.41000°N 76.71389°E / 12.41000; 76.71389
مذہب اسلام

جیونلکھو

سلطان فتح علی ٹیپو 20 نومبر 1750 چ دیواناہالی چ پیدا ہوۓ ۔ ٹیپو سلطان حیدر علی دے وڈے پتر اتے اوہناں دی دوجی بیوی فاطمہ فخرالنساء چوں سن ۔ ٹیپو سلطان 1782 توں لے کے انگریزاں دے خلاف لڑدے ہوۓ اپنی شہادت 4 مئ 1799 تک میسور دے حکمران رہے ۔

'''انگریزاں دے خلاف جدوجہد'''

ٹیپو سلطان نے برطانوی سامراج دے خلاف زبردست مزاحمت کیتی تے لوکاں نوں غیر ملکی تسلط توں آزاد کران لئی سنجیدہ تے عملی اقدامات کیتے تے سلطان نے انتہائی دور رس اثرات دی حامل فوجی اصلاحات نافذ کیتیاں ۔ صنعت اتے تجارت نوں بڑھاوا دِتا تے انتظامیہ نوں نویں سِرے توں منظم کیتا ۔ ٹیپو سلطان دا ایس گل تے یقین سی کہ برصغیر دے لوکاں دا پہلا مسئلہ انگریزی سامراج دا خاتمہ ہے ۔ نظام حیدرآباد دکّن تے مرہٹیاں نے ٹیپو دی طاقت نوں اپنے لئی خطرہ سمجھیا اتے انگریزاں نال اتحاد کرلئیا ۔

ٹیپو نے ترکی ۔ ایران ، افغانستان تے فرانس توں مدد لین دِیاں کوششاں کیتیاں پر کامیاب نا ہوسکیا ۔ میسور دی آخری لڑائی دے دوران ۔ جد سرنگا پٹم دی شکست یقینی ہوچکی سی ، ٹیپو نے محاصرہ کرن والے انگریزاں دے خلاف بھرپور مزاحمت کیتی اتے قلعے نوں بند کروائیا پر غدّار ساتھیاں نے قلعے دے دروازے کھول دِتے تے قلعے دے اندر زبردست لڑائی شروع ہوگئی ۔ بارود دے ذخیرے چ اگّ لگ جان دی وجہ توں مزاحمت کمزور ہوگئی ، اس موقع تے فرانسیسی افسر نے ٹیپو نوں چٹالدرنگ نس جان تے اپنی جان بچان دا مشورہ دِتا پر ٹیپو راضی نئیں ہوئیا ، تے ایس کر کے 1799ء نوں جنگ دے دوران سر چ گولی لگن نال شہید ہوگئیا ۔

انداز حکمرانیلکھو

ٹیپو سلطان دا جیون اک سچے مسلمان دی جیون سی ۔ اوہ مذہبی تعصب توں پاک سن ۔ ایہی وجہ اے کہ غیر مسلم اینہاں دی فوج تے ریاست تے اہم عہدیاں تے فائز سن ۔ ٹیپو سلطان نے اپنی سلطنت نوں مملکت خداداد دا ناں دتا سی ۔ ظاہری نمود تے نمائش توں پرہیز کردے سن تے اپنے ہر شاہی فرمان دا آغار بسم اللہ توں کردے سن ۔ ٹیپو سلطان زمین تے کھدر بچھا کے سوندے سن ۔

  1. Hasan, Mohibbul (2005). History of Tipu Sultan. Aakar Books, 6. ISBN 8187879572. Retrieved on January 19, 2013.