پاکستان کرکٹ ٹیمکرکٹ دی دنیا وچ پاکستان دی نمائندگی کردی اے جس دا انتظامیہ پاکستان کرکٹ بورڈ اے۔ پاکستان کوبین الاقوامی مقابلاں وچ حصہ لینے دی اجازت بین الاقوامی کرکٹ انجمن (International Cricket Council) نے 1952ء وچ دی۔ پاکستان نے اپنا پہلا ٹیسٹ میچ 16 اکتوبر، 1952ء وچ بھارت دے خلاف دہلی وچ کھیلا۔[۱۲] پاکستان کرکٹ ٹیم اس وقت دنیا دی مضبوط ترین ٹیماں وچ شامل اے۔
پاکستان نے اپنا پہلا عالمی کرکٹ کپعمران خان دی قیادت وچ 1992ء وچ برطانیہ دے خلاف جِتیا۔ پاکستان نے کئی مایہ ناز گیند باز وبلے باز پیدا کیتے نيں جنہاں وچ عمران خان، وسیم اکرم، عبدالقادر، سرفراز نواز، وقار یونس، شعیب اختر، انضمام الحق، یونس خان،شاہد آفریدی تے جاوید میانداد دا ناں آندا اے
18 اکتوبر 2016 ء تک پاکستان نے 400 ٹیسٹ کھیلے نيں جنہاں وچوں 129 جتے تے 113 ہارے تے 158 بلا نتیجہ رہے۔ پاکستانی ٹیم اس وقت ایشیائی ٹیماں وچ سب توں زیادہ ٹیسٹ جیتنے والی ٹیم اے [۱۳] آئی سی سی دی درجہ بندی دے مطابق پاکستان ٹیسٹ میچاں وچ دوسری(2) اک روزہ میچاں وچ اٹھويں (8) تے ٹی ٹونٹی وچ ستويں (7) پوزیشن اُتے موجود اے ۔
پاکستان قومی کرکٹ ٹیمپاکستان دی قومی کرکٹ ٹیم اے۔ ایہ انٹرنیشنل کرکٹ کونسل دی سنگی اے تے پاکستان کرکٹ بورڈ ایس نوں بناندا تے چلاندا اے۔ ایہ ٹیسٹ ون ڈے تے ٹی ٹونٹی میچ کھیڈدی اے۔
پاکستانی کرکٹ ٹیم نے 1952 چ پہلا میچ بھارت دے خلاف کھیڈیا سی۔ پاکستانی ٹیم نیں 811 ون ڈے میچ کھیڈے نیں جیناں چوں 434 جتے نیں، 352 ہارے، 8 برابر کیتے تے 17 دا کوئی نتیجہ نئیں ہویا۔ اس توں پاکستانی ٹیم دی جتن دی پرسنٹیج 55۔16٪ اے۔ انٹرنیشنل کرکٹ کاؤنسل دی رینکنگ چ پاکستانی ٹیم دی 4 پوزیشن اے جگ چ۔ پاکستانی کرکٹ ٹیم 1992 دا ورلڈ کپ جتی سی۔ 1999 وچ فائنل ہاری سی تے اج کل ایشیا دے چیمپین نیں۔ پاکستان نیں 1987 تے 1996 دا ورلڈ کپ اپنی تھاں اتے کرایا سی۔ پاکستانی ٹیم نے 77 ٹی ٹونٹی میچ کھیڈے نیں جیناں چوں 47 جتے، 28 ہارے تے 2 برابر کیتے۔ پاکستانی ٹیم نیں 2009 دے ٹی ٹونٹی ورلڈ کپ وی جتیا سی۔
پاکستان وچ کرکٹ دی تریخ پاکستان بنن توں وی پرانی اے۔ کراچی پہلی واری انٹرنیشنل میچ سندھ تے آسٹریلیا دے وشکار 22 نومبر 1935 چ ہویا سی۔ اس میچ نوں 5000 لوک ویکھن آۓ سن۔ پاکستان بنن توں بعد کرکٹ نیں بوت ترقی کیتی تے 1952 چ پاکستانی ٹیم نوں ٹیسٹ ٹیم بنا دتا گیا۔ پاکستان نے پہلا ٹیسٹ میچ بھارت دے خلاف دلی چ 1952 دی اکتوبر چ کھیڈیا سی۔ اے سیریز بھارت 2-1 توں جت گیا۔ اس توں بعد 1954 چ پاکستان انگلینڈ کھیڈن گیا جتھے پاکستانی بالر فزل محمود نیں 12 وکٹاں لیا تے سیریز 1-1 برابر ہوگئی۔ پاکستانی ٹیم بوت چنگی سمجی جاندی اے مگر اینوں چھپیا رستم آکھیا جاندا اے۔ اس دی وجہ اے وے کہ پاکستانی ٹیم دے کھڈاری بوت چنگا کھیڈدے نیں مگر اوہ ڈسپلن نئیں رکھدے جس دی وجہ توں اوہ اک دن کمال دا کھیڈن گے تے اگلے دن ککھ وی نئیں۔ پاکستانی کرکٹ ٹیم بھارت دی کرکٹ ٹیم دے نال جدوں کھیڈدی اے اوہ میچ دوواں پاسیاں دے لوک بوت جزباتی ہوکر ویکھدے نیں تے جتھے وی میچ ہوۓ سٹیڈیم پر جاندا اے۔
1986 دا آسٹریلیا-ایشیا کپ نوں جگ چ بوت یاد کیتا جاندا اے: اس کپ وچ پاکستانی ٹیم دے جاوید میانداد نیں آخری بال تے چکھا مار کے پاکستان نوں بھارت دے خلاف جتوا دتا سی۔ جاوید میانداد 3 نمبر توں بلے بازی کردا آریا سی تے آخری بال تے 4 رن چائیدے سن تے چیتن شرما نیں فل ٹاس بال کرائی جیدے تے اونے چکھا لا دتا۔ اس توں بعد میانداد پاکستان دا ہیرو بن گیا۔
1992 دے ورلڈ کپ وچ پاکستان تے نیو زیلینڈ دا سیمی فائنل سی، نیو زیلینڈ ٹاس جتیا تے اوناں نیں بلے بازی کر کے 262 رن بناۓ۔ پاکستانی ٹیم دی جدوں واری آئی اوناں نیں آرام آرام نال کھیڈیا مگر وکٹاں ڈگدیاں رئیاں۔ عمران خان تے سلیم ملک آؤٹ ہون توں بعد پاکستان نوں 115 رن چائیدے سن تے رن ریٹ 7۔67۔ انضمام الحق نوا نوا کھڈاری سی 22 وریاں دا۔ اونیں 37 بالاں تے 60 رن بنا کر ہیرو بن گیا۔ باقی 36 رن 30 بالاں تے مؤن خان نیں بنا کر میچ جتا دتا۔ اس میچ توں انضمام الحق جگ چ مشہور ہوگیا۔ 1992 دا ورلڈ کپ پاکستان دا پہلا ورلڈ کپ سی، اس ورلڈ کپ وچ وقار یونس تے سعید انور توں بغیر زخمی کپتان(عمران خان) نال پاکستان ورلڈ کپ وچ واپس آیا۔ پاکستان ورلڈ کپ توں اپنے پہلے 3 میچ ہار کر بار ہوریا سی تے انگلینڈ دے خلاف میچ وچ 74 رن دور ای آؤٹ ہوریا سی کہ بارش دی وجہ توں میچ مکا دتا گیا۔ اس توں بعد 5 میچ لگاتار جت کے پاکستان نیں ورلڈ کپ جت لیا۔
اس توں بعد پاکستان 1999 دے ورلڈ کپ وچ فائنل آسٹریلیا توں ہار گیا تے فیر 2003 تے 2007 دے ورلڈ کپاں وچ وی کج نا کر سکیا۔ 2009 نوں پاکستان نیں سری لنکا نوں ہرا کر ٹی ٹونٹی ورلڈ کپ جت لیا۔
2011 وچ ورلڈ کپ بھارت، سری لنکا تے بنگلہ دیش وچ ہویا۔ اس وچ پاکستانی ٹیم بوت چنگا کھیڈی تے آسٹریلیا نوں وی ہرا دتا جدوں کہ اوناں کول 3 بوت تیز بالر سن تے پاکستانی بلے باز بوت چنگے نئین سن مگر پاکستانی بالراں نیں پاکستان نوں میچ جتوا دتا۔ اس توں بعد پاکستانی ٹیم دے بلراں نیں ویسٹ انڈیز دی ٹیم نوں برباد کر کے رکھ دتا جدوں اوناں نیں اوناں نوں 10 وکٹاں توں ہرایا۔ سیمی فائنل وچ بھارت تے پاکستان دا میچ سی۔ اے میچ بوت ڈاڈا تے جزباتی سی بھارت نیں پہلاں بلے بازی کر کے 260 رن بناۓ۔ پاکستانی ٹیم نیں وی بوت کوشش کیتی مگر 29 رناں توں میچ ہار گئی۔ بھارت ورلڈ کپ جت گیا۔ ورلڈ کپ دی میچاں وچ پاکستان نیں بھارت نوں کدے وی نئیں ہرایا۔
پاکستان وچ ہر قسم دی کرکٹ (فرسٹ کلاس)، ٹیسٹ کرکٹ تے اک روزہ کرکٹ، پاکستان کرکٹ بورڈ دے ذمہ اے۔ ایہ محکمہ صدر پاکستان دے زیرہ نگرانی کم کردا اے۔ اس دی انتظامیہ وچ پرانےکرکٹر، ارور کاروباری حضرات شامل نيں۔ علاقائ ٹیمرں دے مقابلے جنہاں وچ قائد اعظم ٹرافی شامل اے دا انتظام تے میداناں دی دیکھ بھال وی ايسے دے ذمہ اے۔
صدر پاکستان کرکٹ بورڈ دے صدر دا انتخاب کردا اے اس وقت بورڈ دا صدر شہر یار خان اے۔ حال ہی وچ صدر پاکستان نے نويں آئین دی منظوری دتی اے جس دے تحت علاقائی ٹیماں دی انتظامیہ دے افراد کرکٹ بورڈ نوں چلاواں گے۔
عبد الجلیل جو پاکستان وچ چاچا کرکٹ دے ناں توں مشہور نيں، ہر جگہ پاکستانی کرکٹ ٹیم دی حوصلہ افضائی دے لئی میدان وچ موجود ہُندے نيں۔ پاکستان کرکٹ بورڈ انہاں نوں ماہانہ دس ہزار روپیہ دیندا اے۔ اوہ سال 1969 توں ٹیم دے نال نيں۔
↑"1990 ODI RANKINGS". ICC. 11 نومبر 2011. مؤرشف من الأصل في 20 مارچ 2013. اخذ شدہ بتریخ 23 فروری 2018.تحقق من التاريخ في: |access-date=, |date=, |archive-date= (معاونت) صيانة CS1: BOT: original-url status unknown (link)
↑"1991 ODI RANKINGS". ICC. 11 نومبر 2011. مؤرشف من الأصل في 20 مارچ 2013. اخذ شدہ بتریخ 23 فروری 2018.تحقق من التاريخ في: |access-date=, |date=, |archive-date= (معاونت) صيانة CS1: BOT: original-url status unknown (link)
بھارت بمقام فیروز شاہ کوٹلہ اسٹیڈیم، دہلی؛ 16 تا 18 اکتوبر، 1952ء
انگلستان بمقام ہیڈنگلے، لیڈز؛ 1 تا 5 جون، 2018ء
آسٹریلیا بمقام ہرارے اسپورٹس کلب، ہرارے؛ 8 جولائی، 2018
1998
2000
2002
1984
2008
مکی آرتھر
گرانٹ فلاور
جولین فاؤنٹین
اینڈریو لیپس
