اچی تھاں تبت لمے پاسے ہمالیا تے اُبھے پاسے صحرائے تکلامکان دے وچکار
پوریچینی تریچ وچ پٹھار تبت اک اہم سٹراٹیجک علاقا رہیا اے
تبت پٹھار دے لمے حصے دی ناسا دی خلائی مورت جیہدے وچ دریائے برہم پتر سجے تھللے پاسے آ

چڑھدے ایشیا دی اک وڈی پٹھار اے ۔ ایہ تبت تے چین دے صوبا شنگھائی تے لداخ تک پھیلی ہوئی اے ۔ ایہنوں دنیا دی چھت وی آکھیا جاندا اے ۔ کیونکہ ایس پٹھار دی اوسط اُچای 4500 میٹر اے ۔ ایہ جگ دی سبھ توں وڈی تے اُچی پٹھار اے جیہدا رقبا 25 لکھ مربع کلومیٹر اے یعݨی امریکا دی ریاست ٹیکساس یا فرانس توں 4 گنا ودھ ۔

تریخلکھو

ایہ پٹھار ساڈھے 5 کروڑ سال پہلاں ہند آسٹریلوی پرت تے یوریشین پرت دے آپس وچ ٹکرواݨ نال وجود وچ آئی سی تے ایہہ عمل حلے وی جاری اے ۔

جغرافیا تے موسملکھو

پٹھار دے اُبھے تے اُبھے لہندے علاقے بوہتے ٹھنڈے تے خشک نیں تے انتہائی اُبھا لہندا علاقا سمندر دی پدھر توں 5 ہزار میٹر اچا اے ۔ جتھے فضا وچ سمندری سطح دے مقابلے وچ صرف 60 فیصد آکسیجن ہُندی اے تے سال دا اوسط درجا حرارت 4 ڈگری سینٹی گریڈ اے ۔ سردیاں وچ درجا حرارت منفی 40 ڈگری سینٹی گریڈ تک ڈگھ جاندا اے ۔ ایس قدر سخت موسم پاروں ایس پٹھار دا انتہائی اُبھا لہندا علاقا براعظم ایشیا دا سبھ توں گھٹ آباد تے انٹارکٹکا تے اُبھے گرین لینڈ مگروں دنیا دا تیجا سبھ توں گھٹ آباد علاقا اے ۔

تبت پٹھار توں نکلݨ آلے دریالکھو

تبت پٹھار جگ دے کئی وڈے دریاواں دا منبع اے ۔

ہور ویکھولکھو

نوٹلکھو

1۔ اٹلس آف ورلڈ ہسٹری (1998ء) ہرپر گولنز ، صفحا 39 ۔

نیچرل ورلڈ:صحرا نیشنل جیوگرافک ۔

3۔ ڈیوڈ ملر۔ تبت تے بھوٹان دے خانہ بدوش

حوالےلکھو

  • پیٹر ہوپکرک ۔ دنیا دی چھت وچ خفیا داخلے:تبت دی خفیا کھنگال (1983ء)

باہرلے جوڑلکھو