دریائے یانگزے یاں چانگ جیانگ ایشیاء دا سب توں وڈا دریا اے تے دریاۓ نیل تے دریائے ایمیزون دے بعد جگ دا سب توں وڈا دریا اے ۔ ایہہ دریا لہندے چین دے صوبے چنگھائی توں نکلدا اے تے 6211 کلومیٹر دا پندھ کرن مگروں بحیرہ مشرقی چین چ جا ڈگدا اے ۔ اس دریا نوں روایتی طور تے اتلے تے دکھنی چین وچکار سرحد منئیا جاندا اے پر جغرافیہ دان دریائے چن لنگ ہوائی نوں اس جغرافیائی تقسیم دا باضابطہ خط قرار دیندے نیں ۔

دریائے یانگزے دا نقشہ
دریائے یانگزۓ تے تن گھاٹی ڈیم
چین دے یونان صوبے ج دریا دا پہلا موڑ ،جتھے دریا 180 ڈگڑی دا موڑ کٹ کے شمال توں جنوب ول مڑدا اے
دریائے یانگزے تے تن گھاٹی ڈیم لاگے کوئلے دا لوڈنگ پوانٹ
دریائے یانگزے تے وہان دے مقام تے پہلا پل

اپنی چوڑائی پاروں ایہہ دریا سمندر چ ڈگں دے تھاں توں لے کے اندر تک اک ہزار کلومیٹر تک جہازرانی دے قابل اے ۔ جگ دا مشہور تن گھاٹی ڈیم (Three Gorges Dam)وی ایسے دریا تے بنائیا گئیا اے ، اس ڈیم توں 22 ہزار میگا واٹ تک پن بجلی بنان دا منصوبہ وی جگ دا سب توں وڈا پن بجلی منصوبہ اے ۔

عوامی جمہوریہ چین دا سب توں وڈا شہر شنگھائی وی ایسے دریا دے کنڈے آباد اے ۔