مسلماناں دی عبادت گاہ نوں مسجد (پنجابی:مسیت) کہندے نیں ۔ لفظ 'مسجد' دا لغوی مطلب ہے ' سجدہ کرن دی جگہ'۔ مسیت (عربی: مسجد)(انگریزی:Mosque‏) اسلام دے منن والیاں دی عبادت کرن دی تھاں نوں کیندے نیں۔ مسیت وچ مسلمان نماز پڑن لئی آندے نیں تے اوناں نون امام نماز پڑاندا اے۔ مسبت سنیعہ لین دین تے پڑن لکھن دی وی تھاں اے۔

پنجابی بول مسیت عربی دے بول مسجد توں بنیا اے۔ بولی دے قنون نال ج، ی وچ پلٹیا گیا اے۔ مسجد دی جڑ 'سجد' اے جیدا مطلب اے چکنا یا گوڈیاں بھار چکنا۔

مسیت نماز لئی چھتے ہوئے وڈے کوٹھے یا ہال، کھلے ویڑے تے وضو کرن والی جگہ تے بنی ہوندی اے۔ ۔ بوآ:اسلام/مساجد/1

مسجد نبوی سعودی عرب دے شہر مدینہ چ اک مسجد اے جینوں 'نبی دی مسجد' وی آکھیا جاندا اے۔ اے اسلام دے پیغمبر حضرت محمد صلی اللہ علیہ و آلہ وسلم دی آخری ارام گاہ اے تے اس دی وجہ توں اے مسجد الحرام دے مگروں اسلام دی دوجی سب توں پاک تھاں اے ایدے چ عام طور تے 6 لکھ لوکاں دے بعن دی تھاں اے تے حج دے مہینے چ اے گنتی 10 لکھ ہو جاندی اے۔

سب توں پہلاں اے مسجد محمد دے ہجرت کر کے مدینہ آن توں بعد اوس کعر دے نال بنائی گئی جتھے اوناں دی رہائش سی۔ اوس ویلے ایدی چھت نئیں بنائی گئی۔ ایدی تمیر کھجور دے تنے تے کنداں گارے نال بنائیاں گئیاں ۔ ایس وچ تن بوئے بنائے گئے جناں دے ناں باب رحمن، باب جبرئیل تے باب نساء سن ۔

مسجد دے اندر صفہ دے ناں توں اک تھاں بنائی گئی جتھے نمازی اوس ویلے دے قبلہ بیت المقدس ول منہ کر کے نماز پڑھدے سن ۔ جدوں قبلے دی سمت کعبے ول بدلی گئی تے مسجد دی تمیر وی نوے سرے ناں کیتی گئی ۔ اے مسجد اوس ویلے اک سکول ، کچہری تے اجتماع دی تھاں وی سی۔ اپنی تمیر دے ست وریاں بعد تکر اے مسیت اپنی پہلی تھاں توں دوگنی ہو چکی سی تے پہلے توں بوہتے لوکی ایس چ سما سکدے سن ۔

وقت دے نال کئی واری مسجد دی تمیر تے مرمت کیتی گئی ایدے نال نال نمازیاں دی گنتی چ وادے دی وجہ توں ایدی تھاں چ وی وادھا کیتا گیا۔

آخری واری ایس مسجد دی تمیر تے وادھا سعودی حکمران فہد بن عبدالعزیز دے دور چ کرائی گئی۔ ایس تمیر چ مسجد وچ نمازیاں دی اسانی لئی ائر کنڈیشنر تے 27 حرکت کرن آلے مینار وی لگائے گئے ۔ ایدے نال ای مسجد دے رقبے وچ چوکھا وادھا کیتا گیا۔مکمل مضمون


بوآ:اسلام/مساجد/2

مسجد الحرام جگ دی سب توں وڈی مسیت اے۔ اے مسیت سعودی عرب دے شہر مکہ ج 638 چ بنائی گئی۔ اے مسیت مسلماناں دی سب توں مقدس جگہ کعبہ دے آلے دوالے بنائی گئی اے۔ سارے جگ دے مسلمان کعبہ ول منہ کر کے نماز پڑھدے نیں۔

99 ایکڑاں تے پھیلی ہوئی اس مسیت دے وچ 40 لکھ حاجیاں تے نمازیاں لئی تھاں اے

اسلامی تریخ تے مسلماناں دے عقیدےے دے مطابق سب توں پہلے اے مسیت فرشتے آں نے اللہ دے حکم تے بنائی سی ایس لئی کہ جگ تے مسلماناں دی عبادت لئی اک مرکز بن جائے۔ فیر ویلے دے نال نال تے قدرتی آفتاں دی وجہ توں اے مسیت ٹعیندی رئی تے اوس ویلے دے مسلمان اینوں دوبارہ تعمیر کردے رئے۔

اسلامی عقیدے دے مطابق ایس مسجد دی تعمیر ابراہیم تے اوناں دے پتر اسماعیل نے رل کے کیتی سی۔ اوناں نے اللہ دے حکم تے کعبہ تے مسجد تمیر کیتی۔

ایس مسیت دے چڑھدے کونے ول اک کالے رنگ دا پتھر کند چ جوڑیا گیا اے جیڑا ایس مسیت وچ ابراہیم دے ویلے دی اکو ای یادگار اے۔

ایس مسیت دی خاص گل ایتھے زم زم دا کھو اے جیڑا صدیاں توں چالو اے تے کدی نئیں سکدا۔ پورے جگ دے مسلماناں لئی اے کھوہ تے ایدا پانی مقدس اے۔ حج کرن یا کسی ہور مقصد لئی مکہ آن آلے مسلمان اے پانی خاص کر اپنے بیلیاں یاراں لئی لے کے جاندے نیں۔

ایس مسیت نوں پیلی واری 692 نوں مرمت کیتا گیا۔ ایس مرمت وچ ایدیاں کنداں نوں اُچا کیتا گیا تے نال ایدی چھت اتے سجاوٹ کیتی گئی۔ اوس ویلے ایس مسیت دا رقبہ کٹ سی تے وچکار کعبہ سی۔

700 وچ ایدی فیر تمیر کیتی گئی۔ لکڑ دی تھاں ماربل دا پتھر ورتیا گیا نال ایدے رقبے وچ وی وادھا کیتا گیا۔ اک مینار وی بنایا گیا۔ ویلے دے نال نال اسلام پھیلدا ریئا تے مسلماناں دی گنتی چ وادھا ہندا ریئا۔ حج لئی سارے جگ توں مسلمان آندے نیں تے کعبے دا پھیرا لاندے نیں۔ ایس وادو گنتی دی ضرورت نوں پورا کرن تے نمازیاں لئی تھاں نوں ودھان لئی مسیت دے رقبے چ وادھا کیتا گیا۔۔مکمل مضمون