اسلان مسخادوف

اسلان مسخادوف
جمن تھاں	{{{جمن تھاں}}}
جمن نی تاریخ	{{{جمن نی تاریخ}}}
دیس	چیچنیا
ناگرکتا	{{{ناگرکتا}}}
کم	فوجی جرنیل تے صدر
سال سرگرم	{{{سال سرگرم}}}
گن	صدر چیچن جمہوریہ اشکیریہ

اسلان علیئوچ مسخادوف(روسی چ) ؛اسلان علی کانت مسخادان(چیچن بولی چ) اسلان ولدعلی مسخاد(اردو تے پنجابی چ) چیچن علیحدگی پسند تحریک دا رہنما تے چیچنی لوکراج اشکیریہ دا تیجا صدر سی ۔ روس دے خلاف، پہلی چیچن جنگ چ فتح دا سہرا وی بہت سارے لوکاں دے خیال چ اسلان مسخادوف دے سر اے ،جس چ فتح دے بعد چیچن جمہوریہ اشکیریہ نوں صحیح معنیاں چ آزادی لبھی ۔ جنوری 1997ء چ مسخادوف چیچنیا دا صدر منتخب ہوئیا ۔ جنوری 1999ء چ دوجی چیچن جنگ شروع ہون تے اوہ گوریلا مزاحمت دی اگوائی کرن میدان چ آئیا ۔ مارچ2005ء چ اسنوں شمالی چیچنیا دے پنڈ تولستوئی یورت چ شہید کردتا گئیا ۔

ابتدائی زندگی

اسلان مسخادوف فوجی وردی وچ

اسلان علیئوچ مسخادوف سویت یونین دی ریاست قازق سوویت اشتراکی جمہوریہ (قازقستان )دے صوبے کاراگاندی دے پنڈ شکائی چ ، روسی آمر جوزف سٹالن (ستالین)دے حکم تے چیچن لوکاں دی جبری بےدخلی دے دوران 21 ستمبر 1951ء چ پیدا ہوئے ۔ 1957ء اسدا خاندان چیچنیا واپس آگئیا تے نیدتیریچنے ضلع چ زیبر یورت چ آباد ہوگئیا ۔ مسخادوف نےسویت فوج چ شمولیت اختیار کیتی تے ہمسایہ ریاست جارجیا ([گرجستان ) چ ٹرینيگ لیئی تے تبلیسی آرٹلری سکول تون 1972ء چ گریجوئیشن کیتی ۔ اس دے بعد اوہناں نے 1981ء چ کلینن گراد دے کلینن ہائر آرٹلری اکیڈمی توں امتیازی حثیت نال گریجوئشن کیتی تے اوہناں نوں ہنگری چ اک خودمختار سویت آرٹلری رجمنٹ نال تعینات کردتا گئیا جتھے اوہ 1986ء تک رہے ۔ فیر 1986ء توں بالٹک ملٹری ڈسٹرکٹ چ رہے ۔ 1990ء توں سویت جمہوریہ لتھوانیا دے راجگڑھ ویلنیوس چ سویت میزائل اینڈ آرٹلری فورسز دے چیف آف سٹاف دی حثیت نال خدمات سرانجام دتیاں ۔ سویت فوج چ سروس دے دوران اسلان مسخادوف نوں 2 دفعہ " تمغہ براۓ خدمت وطن " نال نوازیا گئیا ۔ مسخادوف 1992ء چ کرنل دے رینک توں سویت فوج چوں ریٹائرڈ ہوگئیا ، تے اپنے آبائی وطن واپس آ گئیا ۔ اوہ چیچن جمہوریہ اشکیریہ دے شہری دفاع دے 93-1992ء چ سربراہ رہے ۔

سویت یونین دے 1991ء چ ٹٹن دے بعد ، 1993ء دیاں گرمیاں چ مسخادوف نے جوہر دودائیف دی حکومت دے خلاف ، عروس مرتان ، نادتیریچنی تے گودرمس دے ضلعاں چ مسلح کاروائیاں چ حصہ لیئیا ۔ 1992ء چ ناکام فوجی بغاوت دے بعد چیچنیا دی مسلح افواج دے چیف آف سٹاف ویسخان شہابوف نوں برطرف کردتا گئیا تے مسخادوف عبوری چیف آف سٹاف مقرر ہوئے ۔ مارچ 1994ء چ اوہ چیچنیا دی مسلح افواج دے چیف آف سٹاف بن گئے۔

پہلی چیچن جنگ

پہلی چیچن جنگ دسمبر 1994ء چ شروع ہوئی تے اس جنگ چ روسی فوجاں نوں چیچناں نے بدترین شکست دتی ۔ اس جنگ چ اوہ چیچنیا ولوں نمایاں فوجی کمانڈر سن تے چیچنیا دی روسی فوجاں نوں شکست وی اینہاں دی مرہون منت سی ۔ چیچنیا دی " ریاستی دفاعی کونسل " دے ڈپٹی چیئرمین (چیئرمین جوہر دودائیف سن ) تے چیف آف سٹاف دے طور تے ، مسخادوف نے گروزنی دی لڑائی دے دوران چیچنیادے راجگھر دا دفاع مستحکم کیتا ۔ مسخادوف اس لڑائی چ گروزنی دے صدارتی محل توں فوجی دستیاں نوں کمان کر رہے سن تے اک موقعے تے اک روسی بنکر تباہ کرن والا بمب اینہاں توں صرف 20 میٹر دور ڈگیا پر اسدے نا پھٹن دی وجہ توں اوہ محفوظ رہے ۔ فروری 1995ء چ دودائیف نے اسلان نوں ڈویژنل جنرل دے عہدے تے ترقی دے دتی ۔ جون 1995ء چ مسخادوف نے چیچنیا دے بحران تے گروزنی چ ہون والے مزاکرات چ حصہ لئیا ۔ جون 1996ء چ نزران انگوشتیا چ ہون والے مزاکرات چ چیچینیا ولوں " فائر بندی تے مسلح تصادم دے حل دے پروٹوکول " تے دستخط کیتے ۔

اگست 1996ء چ گروزنی تے چیچنیا دے دستیاں دے قبضے دے بعد مسخادوف نے الیگزیندر لیبد نال 31 اگست 196ء چ مزاکرات کیتے تے " معاہدہ خاساو یورت " عمل چ آئیا ، تے اس امن معاہدے نال ای پہلی چیچن جنگ اختام نوں پہنچی ۔

چیچنیا دا صدر

اکتوبر 1997ء چ مسخادوف نوں وزیر اعظم نامزد کیتا گئیا ، جدوں کہ اوہ چیف آف سٹاف تے وزیر دفاع پہلے ای سن ۔ مسخادوف نے 3 دسمبر 1996ء نوں ، جنوری 1997ء دے صدارتی انتخاب چ حصہ لین دا اعلان کیتا ۔ جس چ اوہناں دے مقابلے تے شامل بیسائیف تے زیلم خان یندربائیئیف سن ۔ ایہہ الیکشن چیچنیا دے 1992ء اپنائے گئے آئین دے تحت ہو رہے سن ، جس چ چیچنیا نوں اک آزاد ریاستت قرار دتا گئیا اے ۔

دوجی چیچن لڑائی

دوجی چیچن جنگ 1999ء چ چھڑی ۔

ہور ویکھو

• جوہر دودائیف
• چیچنی لوکراج اشکیریہ

باہرلے جوڑ

سوانح عمری

• Biography on the site of the ChRI Ministry for Foreign Affairs Archived 2005-04-04 at the وے بیک مشین
• Biography on the Chechen.org site (in Russian)

انٹرویو

• Ekspress-Khronika (Express Chronicles), No. 8 (611), 26 February 2000, p. 1.
• Komsomolskaya Pravda, 18 March 2000, p. 7.
• Kommersant, 21 April 2000, p. 1.
• Kommersant, 22 April 2000, p. 3.
• Kommersant, 27 January 2001, p. 1, 3.
• 1999 interview Archived 2016-03-04 at the وے بیک مشین by Marie Bennigsen-Broxup posted on the Small Wars Journal web site
• The last interview Maskhadov gave before his death to RFE/RL
• Controversial interview Maskhadov gave to Boris Berezovsky's Kommersant newspaper

مسخادوف دی شہادت اتے رپورٹاں

• New York Times: Russian Forces, in Raid, Kill Leader of Chechnya Separatists
• RFE/RL: Reports Say Chechen Leader Maskhadov Killed
• Christian Science Monitor: Killing of Chechen leader may empower hard-liners
• The Guardian: Chechnya loses its Yasser Arafat
• CNN: Maskhadov: Chechnya's defiant ex-leader
• BBC News: Chechen leader Maskhadov 'killed'
• NTV: Масхадова случайно взорвали в бункере (ФОТО) (in Russian)
• Reuters: Maskhadov's Son Vows to Continue Dad's Chechen Work
• Kommersant: Aslan Maskhadov Killed Archived 2007-05-27 at the وے بیک مشین (includes timeline of attempts on Maskhadov's life)
• BBC News: Russians 'paid Maskhadov bounty'
• Thanks from the new Czar A comment on the assassination of Chechen leader Aslan Maskhadov by Andre Glucksmann

تعزیت

• Obituary from the BBC
• Obituary from The Telegraph
• Obituary from The Guardian
• Obituary from The Economist
• Editorial from the Washington Post
• Obituary Archived 2006-03-23 at the وے بیک مشین from Islamica Magazine

سیاسی عہدہ
پیشرو زیلم خان یندربائیئیف	صدر چیچن لوکراج اشکیریہ 1997–2005	جانشین شیخ عبدالحکیم