چیچنیا
| چیچنیا | ||
.svg) |
 | |
| راجکعر: | گروزنی | |
| رقبہ: | 15,300 مربع کلومیٹر | |
| لوک گنتی: | 1,103,686 | |
چیچنیا وفاق روس دی اک وفاقی اکائی اے تے شمالی قفقاز [کوہ قاف] دے پہاڑی علاقے چ واقع اے ۔ چیچن زبان چ اسنوں "نوخچیین" سدیا جاندا اے ۔
سویت یونین دے 1991ء ٹٹن دے بعد چیچن انگوش خود مختار سویت جمہوریہ دو حصییاں ،جمہوریہ انگوشتیا تے چیچن جمہوریہ اشکیریہ ،جہڑی کہ آزادی چاہندی سی ، چ تقسیم ہوگئی ۔ روس نال پہلی چیچن جنگ چ چیچنیا دی فتح دے بعد ، چیچنیا نے چیچن جمہوریہ اشکیریہ دے ناں نال تقریبا آزادی حاصل کر لئی سی پر دوجی چیچن جنگ چ روس نے ایس علاقے تے اپنا کنٹرول دوبارہ بحال کرلئیا ،اوس ویلے ایتھے تعمیر نو دا کم جاری اے ۔ اگرچہ ہلے وی پہاڑی علاقیاں چ تے جمہوریہ دے جنوبی علاقیاں چ اکا دکا جھڑپاں ہندیاں رہندیاں نیں ۔ 2006ء چیچنیا دے سابق صدر علو الخانوف نے تجویز دتی سی کہ جمہوریہ دا سرکاری ناں "نوخچیین" رکھ دتا جاوے ۔
جغرافیہ
سودھو
چیچنیا شمالی قفقاز دے مشرقی حصے چ مشرقی یورپ تے ایشیاء دے وچکار تقریبا سارے پاسوں روس دے وفاقی علاقیاں چ گھریا ہوئیا اے ۔ اسدیاں سرحداں مغرب چ شمالی اوسیتیا تے انگوشیا نال ، شمال چ ستاوروپول کرائی نال ، مشرق چ داغستان تے جنوب چ جارجیا نال ملدیاں نیں ۔ اسدا راجگھر گروزنی اے ۔ اسدا رقبہ 15300 مربع کلومیٹر اے ۔
دریا
سودھوچیچنیا چ نکے وڈے کئی دریا وگدے نیں پر 3 وڈے دریا "تیریک" ، "سنژا" ، تے "آرغون" نیں ۔
وڈے شہر
سودھوچیچنیا دے 20 ہزار توں ودھ آبادی والے شہر ،گروزنی ، اوتودی ، کوچالوئی ، شالی ، عروس مرتان ، تے آرغون نیں ۔
ٹائم زون
سودھوچچنیا ماسکو ٹائم زون چ واقع اے ۔
تریخ
سودھوابتدائی تريخ
سودھوقدیم زمانے چ کوہ قاف دیاں شمالی ڈھلواناں تے مغرب دے پاسے چرکسی تے مشرق دے بننے عوار رہندے سن ،اینہاں دے درمیاں "زیگیئنز " "زیکس" یعنی اج دے چیچن ،انگوش ،اوسیتی تے بلکاراں دے چ رہندے سن ۔ چیچنیا کوہ قاف دا علاقہ اے جہڑا کہ 15ویں صدی چ عثمانی ترکاں نال آویزش توں بعد ئیر ملکی حکمراناں نال تقریبا مسلسل حالت جنگ چ رہیا ۔ آخرکار چیچن لوکاں دے اسلام قبول کرن توں بعد ترک چیچن تناؤ ختم ہوگئیا پر اپنے عیسائی گوانڈھیاں جارجیا تے کاسکاں تے بدھ متی کلمیکاں نال کھچاؤ ودھ گئیا ۔ روسیاں نے 1577ء چ خفیہ طور تے چیچنیا چ ریاست "تیریک کاسک ہاسٹ " قائم کردتی جہڑی آزاد کاسکاں نال آباد کیتی گئی تے وولگا دریا کنارے آباد کاسک لیا کے تیریک دریا تے آباد کیتے گئے ۔
قفقاز[کوہ قاف] دیاں جنگاں
سودھوروس نے 1783ء چ مشرقی جارجیا دی بادشاہت "کارتل کاخیتی" نال معاہدہ جورجیوسک تے دستخط کیتے ، جسدی رو نال کارتل کاخیتی نوں تحفظ روسی سلطنت دے گئی ۔ جاجیا تے کوہ قاف دے پار علاقیاں نال رابطہ اپنا رابطہ محفوظ کرن لئی روسی سلطنت نے کوہ قاف دے علاقیاں چ اپنا اثر و رسوخ ودھنا شروع کر دتا ۔
