Map of Vedic India.png

آریا لوکاں دی ٹولی دا ناں اے جیہڑی ہڑپا رہتل ویلے پنجاب وچ وسطی ایشیا ولوں آئے ۔ آریا پنجاب وچ وس گئے تے ایہناں آریاواں دی بولی ای ہن آلی پنجابی دا مڈھ اے ۔ آریا 4000 ورھے پیلاں ایتھے آئے ۔ آریا سنسکرت دا لفظ اے جیہدا مطلب اے ، عزت یا شان والا ۔

آریا خوارزم وچکارلے ایشیا توں ڈنگراں نوں چارن لئی جنگل بیلےآں دی کھوج وچ نکلے تے تن وڈیاں لہراں وچ پنجاب آگئے ۔ آریا ریاست نوں راشتر کیندے سن تے ریاست دے راجا نوں راجن۔ راجن توں ای پنجاب دا اک نگر راجن پور بنیا۔ راجن شروع وچ چنے جاندے سن مگروں وراستی ہو گئے ۔ آریاواں نے مادری ریت نوں توڑ کے پیو دی ریت نوں ٹوریا ۔ آریاواں دی رہتل کھلے بیلے دی تے جنگل دی رہتل سی ۔ نگراں وچ رہن دا اوہناں دا کوئی تجربا نئیں سی ۔ ایسے لئی اوہناں نے ہڑپا تے موہن جو داڑو تے دوجے نگراں نوں اجاڑ دتا ۔ رگ وید وچ کسے نگر دا ذکر نئیں۔ اوہ پنڈ وچ رہن آلے سن ۔ پنڈ دے مکھیا نوں گرامنی کہندے سن ۔ آریاواں دے ٹبر نوں گڑاما کہیا جاندا سی ۔ پنجابی دا لفظ گرائیں تے اردو دا لفظ گھرآنا ایتھوں ای بنے نیں ۔