مرو

مَروٛ Mary
دیس	ترکمانستان
صوبہ	صوبہ مَروٛ
حکومت
• حاکم	کاکاگیلدی قربانوف
آبادی (1989 جنگننا)
• کل	۹۲,۲۹۰
منطقۂ وقت	UTC+5

مَروٛ قراقم صحرا چ مرغاب دریا دے کنڈے اک تریخی شہر اے ، جہڑا ہن ترکمانستان چ اے ۔ ایہہ ترکمانستان دے صوبہ مرو دا راجگڑھ اے ۔ 2009ء دی جنگننا موجب مرو دی لوک گنتی 1،23،000 اے ۔

تریخ

مرو دی مارکیٹ, 1992

تریخی مرو شہر شاہراہ ریشم دا اک اہم پڑاء سی ۔اس شہر اتے 1884ء چ روسی سلطنت نے مل ماریا ، جہڑا روسی فوجاں تے افغان فوجاں وچکار لڑائی دی وجہ بنیا ۔ موجودہ شہر بعد چ ایسے سال روسی چوکی تے انتظامی پوسٹ وجون اساریا گیا ۔

برطانوی ہند فوج دے اک مشین گن دستے جس چ 40 پنجابی فوجی تے اک انگریز افسر سی ، نے اگست 1918ء چ مرو لاگے بالشویکاں خلاف مزاحمت کیتی ، ایہہ کریمیا دی لڑائی مگروں روس تے برطانیہ دا پہلا فوجی آہمنا ساہمنا سی ۔

آب پاشی دیاں ودھیا سہولتاں دے کے سویت یونین نے مرو نوں کپاہ دے مرکز وجوں ترقی دتی ۔1968ء چ شہر توں 20 کلومیٹر لہندے چ قدرتی گیس دے وڈے بھنڈار لبھے ۔

سویت یونین دے ٹٹن مگروں ، ترکمانستان دے آزآد ہون اتے 18 مئی 1992ء چ مرو شہر صوبہ مرو دا راجگڑھ بن گیا ۔

2000ء دے دہاکے چ شہر چ وڈی پدھر اتے رہائشی اساریاں ہوئیاں ، جہڑیاں حالے وی جاری نیں ۔ اس ویلے ای شہر چ نواں ہوائی اڈا ، ترکمان سٹیٹ پاور انٹیٹیوٹ دی نویں عمارت ، تھیٹر ، لائبریری ، تریخی عجائب گھر ، روحیات محل ، ہوٹل مارگوش ، حاجی قربان قلی مسیت ، سٹیدیم تے کئی ہور اہم عمارتاں اساریاں گئیاں ۔

2012ء چ مرو شہر آزاد ریاستاں دی دولت مشترکہ دا رہتلی راجگڑھ اعلانیا گیا ۔

معیشت

مرو ترکمانستان دا چوتھا وڈا شہر تے قدرتی گیس تے کپاہ دیاں صنعتاں دا وڈا مرکز اے ۔

رہتل

مرو اپنے مقامی عجائب گھر پاروں پچھانیا جاندا اے ۔ مرو شہر لاگے تریخی مرو شہر دے کھنڈر نیں جتھوں اس شہر نوں اپنا ناں لبھیا ۔

کھیڈاں

کھیڈاں چ ایتھے فٹ بال بوہتا مشہور اے ۔

اہم شہری

• مراد گیلدی آق محمدوف (سیاستدان)
• حیدر سپارلیف (سیاستدان)
• یلینا بونر (انسانی حقوق کارکن)
• ایڈورڈ اسدوف (شاعر ، لکھاری)

مورتاں

• 
  MiG monument in Mary
• 
  Market in Mary, 1992
• 
  Market in Mary, 1992
• 
  Market in Mary, 1992
• 
  بس سٹاپ,1992
• 
  Wedding in Mary, 1992
• 
  Women in Mary, 1992
• 
  Market in Mary, 1992
• 
  Man in Mary wearing a traditional telpek hat, 1992

قومانتری تعلقات

جڑوان شہر

ایہ شہر مرو نال جڑواں نیں:

• استمبول, ترکی
• جدہ, سعودی عرب
• سمرقند, ازبکستان

حوالے

ترکمانستان دے شہر
راجگڑھ:اشک آباد
راجگڑھ صوبہ	اناؤ  • بلخان آباد  • ترکمان آباد  • داش اوغوز  • مــَـرۡۉ
راجگڑھ ضلع	گولانلی  • بیرام علی  • تختہ بازار  • ترکمن قلعہ  • ساکارچقہ  • سرحدآباد  • قراقم (شہر)  • مرغاب  • مولانفیس  • یولوتین

ترکمانستان دی انتظامی ونڈ
راجگڑھ	اشک آباد
صوبہ (صوبے دا راجگڑھ)
صوبے	اخال (اناؤ)  • بلخان (بلخان آباد)  • داش اوغوز (داش اوغوز)  • لیباپ (ترکمان آباد)  • مرو (مرو)