کسانی پیداوار وپار اتے تجارت (فروغ اتے سہولت) قانون-2020

کسانی پیداوار وپار اتے تجارت (فروغ اتے سہولت) قانون-2020
بھارتی پارلیمینٹ
ایہہ قانون اک اجیہے کھلھے کھیتر وچ ٹیکس رہت وپار دی آگیا دندا اے جتھے کسان اپنی اپج نوں وپاریاں نوں بناں کسے روک-ٹوک توں بیچ سکن اتے وپاری خرید سکن۔
Territorial extent	بھارت
Considered by	بھارتی پارلیمینٹ
نفاذ بذریعہ	لوک سبھا
تاریخ نفاذ	ستمبر 17, 2020 (2020-09-17)
نفاذ بذریعہ	راج سبھا
تاریخ نفاذ	ستمبر 20, 2020 (2020-09-20)
تاریخ دستخط	27 سنتبر 2020
دستخط کنندہ	رام ناتھ کووند بھارت دے صدر
قانون سازی کی تاریخ
Bill introduced in the لوک سبھا	کسانی پیداوار وپار اتے تجارت (فروغ اتے سہولت) بل -2020
Bill citation	Bill No. 113 of 2020
تاریخ اشاعت	ستمبر 17, 2020 (2020-09-17)
متعارف کردہ بدست	نرندر سنگھ تومر [[کھیتی باڑی اتے کسان بھلائی وزارت ]]
صورت حال: نامعلوم

کسانی پیداوار وپار اتے تجارت (فروغ اتے سہولت) قانون-2020, (Farmers' Produce Trade and Commerce (Promotion and Facilitation) Act, 2020) کھیتی باڑی پیداوار مارکیٹ کمیٹی (ایپیئیمسی) منڈیاں اتے راج دے ایپیئیمسی ایکٹ دے ماتحت سوچت ہور بازاراں دے طبیعاتی احاطے توں پرھے کساناں دے پیداواراں دے راجاں اندر اتے راجاں دے باہر وپار دی آگیا دندا اے۔

ایہہ فارم دے دروازے، فیکٹری دے ویہڑے، گدام، سائلور اناج بھنڈار اتے ٹھنڈے بھنڈاراں ورگے "باہری وپار کھیتر" وچ وپار دی آگیا دندا اے۔ پہلاں، کھیتی باڑی وپار صرف ایپیئیمسی ویہڑے / منڈیاں وچ کیتا جا سکدا سی۔

سرکار دا دعوہ اے کہ ایہہ کھیتی باڑی دیاں وستواں دی رکاوٹ رہت راجاں اندر اتے راجاں وچکار وپار نوں مُتحرک کرن لئی مقابلہ باز وکلپک وپاری چینلاں راہیں کساناں لئی منافع قیمتاں دی سہولت دیویگا۔

ایہہ ایکٹ مقرر وپاری کھیتر وچ کساناں دے پیداواراں دے الیکٹرانک وپار دی وی آگیا دندا اے۔ ایہہ الیکٹرانک ڈوائیساں اتے انٹرنیٹ راہیں سدھی اتے اؤنلائین خرید اتے ویچ دی سہولت دیویگا۔

ایہہ ایکٹ راجاں دیاں سرکاراں نوں 'وپار والے باہری کھیتر' وچ کساناں دے پیداواراں دا وپار کرن لئی کساناں، وپاریاں اتے الیکٹرانک ٹریڈنگ پلیٹفارماں اُتے کوئی مارکیٹ فیس جاں سیسّ لگاؤن' تے روک لگاؤندا اے۔

پچھوکڑ

کسانی پیداوار وپار اتے تجارت (فروغ اتے سہولت) آرڈینینس، 2020 نوں مرکزی وزیر منڈل ولوں 5 جون 2020 نوں جاری کیتا گیا سی۔

لوک سبھا نے بلّ نوں 17 ستمبر 2020 اتے راج سبھا نے 20 ستمبر 2020 نوں منظوری دے دتی۔ راج سبھا وچ سرکار ولوں بل پاس کرواؤن ویلے دھکہ وی کیتا گیا کہ جو بل ووٹنگ کروا کے پاس کرنا چاہیدا سی ، اوہ آواز دے اندازے نوں بنیاد بنا کے پاس کر دتا گیا۔

اثر

اس ایکٹ دے پاس ہون نال پنجاب اتے گوانڈھی صوبیاں وچ کساناں دا تحریک اٹھیا۔ کیونکہ اس دیاں کجھ دھاراواں راہیں کساناں نوں عدالتاں کول جان توں روکیا گیا اے۔

کسانی پیداوار وپار اتے تجارت (فروغ اتے سہولت) قانون، 2020 دی دھارا 13 تحت لکھیا گیا اے-"اس قانون جاں ایہدے کسے نیم جاں فرماناں تحت نیک نیت نال کیتے جاں کلپے گئے کسے کم بدلے مرکز سرکار جاں راج سرکار دے کسے افسر جاں کسے وی ہور انسان خلاف کوئی دعوہ، مقدمہ جاں کسے قسم دی قانونی چاراجوئی نہیں کیتی جا سکیگی۔’’

دھارا 15 ایہہ واضع کر دندی اے کہ تہاڈے کول قانونی چاراجوئی دا کوئی حق نہیں اے۔ اس وچ درج اے: ‘‘کسے وی دیوانی عدالت کول اجیہے کسے وی معاملے دے تعلق وچ کوئی وی دعویٰ جاں عرضی داخل کرن دا کوئی حق کھیتر نہیں ہووےگا جو اس قانون ماتحت جاں اس دے اصولاں تحت سرکاری کسے اتھارٹی دے دھیان وچ لیاندا جا سکدا جاں نبیڑیا جا سکدا اے۔’’

ایہہ وی دیکھو

• 2020 دے کھیتی قانون اتے کسان تحریک
• کسان (با اختیاری تے تحفظ) مُل بھروسگی اتے کھیتی سیواواں سمجھوتہ قانون 2020
• بھارت وچ کسان خدکشیاں
• ضروری شیواں قانون
• بھارتی کسان تحریک 2020
• گھٹو-گھٹو سہارا ملّ

حوالے