میر امن

میر امن لطفؔ فورٹ وِلیئم کالج نال وابستہ ، جدید اردو نثر دے بانیاں وچ نیں ۔ آپ نے باقاعدہ شاعری کدی نئیں کیتی ۔ اوہناں نے آپ لکھیا :

نہ شاعر ہوں میں اور نہ شاعر کا بھائی

میر امن دے بزرگ ہمایوں دے عہدوچ مغلیہ دربار نال وابستہ ہوئے ۔ میر امن دہلی وچ پیدا ہوئے تے دہلی وچ ای پروان چڑھے۔ مغلاں دے دور دے آخر وچ جچ دہلی نوں احمد شاہ ابدالی نے تاراج کیتا تے سورج مل جاٹ نے لٹیا تے میر امن ، دہلی چھڈ کے عظیم آباد پہنچے ۔ اوتھوں کلکتا گئے ، کچھ دن بیکاری وچ گزرے ۔ بلآخر میر بہادر علی حسینی نے اوہناں دا تعارف فورٹ وِلیئم کالج دے شعبہ ہندوستانی دے سربراہ ڈاکٹر گل کرائسٹ نال کرایا ۔ اوہناں نے میر امن نوں کالج وچ ملازم رکھ لیا تے قصہ چہار درویش (فارسی) سلیس نثر وچ لکھݨ تے مامور کیتا ۔ میر امن نے 1801ء وچ باغ و بہار لکھنی شروع کیتی ۔ 1802ء وچ مکمل ہوئی تے اس سال ای ہندوستانی مینوئل وچ ایہدے 102 صفحے شائع ہوئے ۔ بعد وچ 1804ء وچ نظر ثانی شدہ مکمل ایڈیشن منظر عام تے آیا ۔ میر امن دی دوسری کتاب گنج خوبی اے جیہڑی ملا حسین واعظ کاشفی دی (اخلاق محسنی) دا ترجمہ اے ۔

میر امن دی زندگی دے حالات کسے کتاب یا تذکرے وچ نئیں ملدے ، لہذا اوہناں دے جم ، مرن تے مدفن دے متعلق کچھ معلوم نئیں ۔

باہرلے جوڑ

• ریختہ ڈاٹ آرگ پر میر امن دہلوی دا تعارف