مدن موہن

مدن موہن
پیدائشی نام	مدن موہن کوہلی
پیدائش	25 جون 1924بغداد، عراق
وفات	14 جولائی 1975 (عمر 51)ممبئی، مہاراشٹر، بھارت
پیشے	سنگیتکار
سالہائے فعالیت	1950–1980

مدن موہن کوہلی (25 جون 1924 - 14 جولائی 1975) اک بھارتی سنگیتکار سن۔ ایہہ زیادہ تر طلعت محمود، لتا منگیشکر اتے محمد رفیع لئی کمپوز کیتیاں اپنیاں غزلاں لئی جانے جاندے ہن۔ اس مہان گائک تے ہندی پٹھورتی گائن کلا دے اس استاد مدن موہن دا جنم بغداد وچّ ہویا سی۔ اوہناں دے پیؤ رائے بہادر چنی لال فلم پروڈیوسر سن اتے سٹوڈیؤ دے مالک وی۔ اوہناں نے سینٹ میری سکول ممبئی توں سینئر کینمبرجّ دی ڈگری حاصل کیتی۔

فلمی سفر

آپ نوں وی فلماں دا زیادہ شونق نہیں سی پر اس دا سنگیت نال بہت لگاؤ سی۔ اوہناں نے فوج وچّ وی سنگیت دی بنیاد اتے نوکری کیتی تے مساں دو سال بعد فوج نوں چھڈّ کے لکھنؤ دے آل انڈیا ریڈیو سٹوڈیو وچّ سنگیتکار وجوں باقاعدہ نوکری کیتی تے پھر ‘سپنیاں دی نگری’ آ وسیا۔ اس نے فلمی دنیا وچّ داخلہ تاں اک گائک دے وجوں کیتا پر اس دا من تاں ستار-تومبی وجاؤن اتے مولک سنگیت تیار کرن دا سی اتے ایہہ سپنا اس دا ساکار کیتا اگھے فلمکار سی رام چندر نے، جس نے آپ نوں اپنا معاون بنا لیا۔

فلماں

سال 1950 وچّ فلم ‘آنکھیں’ آپ دی بطور سنگیتکار پہلی فلم سی۔ اس فلم دا مینا کپور دی آواز وچّ گایا گیت ‘میری اٹریا میں کاگا بولے، مورا جیا ڈولے’ اینا مقبول ہویا کہ اس توں بعد اس دے گیت لتا منگیشکر، محمد رفیع اتے مکیش دی آواز وچّ ریکارڈ ہووئے۔ اپنی زندگی دے فلمی سفر دوران اس نے انیکاں لمہیاں نوں سنگیت دی بکل وچّ قید کیتا۔ اس نوں ‘غزلاں دا بادشاہ سنگیتکار’ وی کیہا جاندا سی۔ اس نے کلّ 92 فلماں لئی سنگیت دتا۔ مدن موہن ہندی فلماں وچّ پہلی وار ودیشی ساز ورتن والا سنگیتکار سی۔ 1950-60 دے دہاکے وچّ ہندی سنگیت ’تے راج کرن والا مدن موہن تھوڑھے کو سمیں وچّ ہی لوکاں ’چ حرمن پیارا ہو گیا سی۔ مشہور سنگیتکار نوشاد وی مدن موہن دی کلا دے قایل سن۔ مدن دوارا سنگیتبدھّ لتا منگیشکر تے محمد رفیع دے سارے گیت ہٹ رہے۔ مدن موہن نوں ہمیشاں ستار وجاؤندیاں دیکھیا جاندا سی۔ مدن دی موت توں بعد نوشاد نے مدن دی جیونی ’تے آدھارت اک کتاب ‘راگ موہن’ لکھی، جو کہ خوب چرچت ہوئی سی۔ اپنے فلمی سفر دوران مدن موہن نے اتھاہ پیار، ستکار اتے سنمان حاصل کیتا۔

اعزاز

مدن نوں صرف قومی جاں صوبہ پدھر ’تے ہی نہیں، قومانتری پدھر ’تے وی خوب سنمان تے پیار ملیا۔ میرا سایہ دا نینوں میں بدرا چھائے اتے دلہن ایک رات کی دا مینیں رنگ لی چنریء دے لئی بہترین سنگیت دین کر کے اس نوں کئی ایوارڈ وی ملے جہناں دے وچّ دو قومی ایوارڈ وی شامل ہن۔ ایہناں نوں فلم ان پڑھ' 'وو کون تھی' 'موسم' اتے ویر-زارا' لی فلم پھیئر سنمان لئی نامجاد کیتا گیا اتے فلم 'دستک' ایہناں نوں فلم سنمان ملیا۔ اتے فلم ویر-زارا لی آئپھا سنمان مرن توں بعد دتا گیا

شاعر

مدن دیاں لکھیاں کویتاواں نوں بلہار پرکاشنا والیاں نے ‘دو رنگ’ ناں ہیٹھ پرکاشت کیتا۔ گاؤنا اس دا کم سی، سنگیت اس دی خوراک سی اتے شاعری اس دا شوق۔

مولک دھناں

مدن موہن دی موت ہوئی تاں اوہ اپنے پچھے انیکاں ریکارڈ اتے انرکارڈ گیت اتے ایہناں دیاں سنگیتمئی دھناں چھڈّ گیا۔ اس دا پتر کول مدن موہن دیاں تیار کیتیاں 200 توں ودھ مولک دھناں موجود ہن۔ ایہناں وچوں کجھ یش دیاں آ رہیاں فلماں دے وچّ پیش ہوئیاں۔ 14 جولائی 1975 نوں ہندی فلمی دنیاں دا ایہہ ہونہار سنگیتکار وقت دے ریت ’تے اپنیاں سنگیتمئی پیڑاں دے نشان چھڈدا ہویا اس دنیاں توں رخصت ہو گیا۔

حوالے