مجاز لکھنوی

مجاز لکھنوی
2008 وچّ بھارت سرکار ولوں جاری ڈاک ٹکٹ
جم	19 اکتوبر 1911 ضلع بارابنکی، یوپی، بھارت
موت	5 دسمبر 1955 (عمر 44) لکھنؤ
قلمی ناں	مجاز لکھنوی
کم کِتہ	شاعر
قومیت	بھارتی
صنف	غزل، نظم، گیت
مضمون	پریم ، فلسفہ، انقلاب

اسرار الحق مجاز (اردو: مجاز لکھنوی, ہندی: मजाज़ लखनवी) (19 اکتوبر 1911 – 5 دسمبر 1955) بھارتی اردو شاعر سی۔ اوہ اپنی رومانٹک اتے انقلابی شاعری لئی مشہور سی۔ اسنے اردو وچّ غزلاں، نظماں، اتے گیت لکھے۔ صرف 44 سال دی چھوٹی عمر وچّ اردو ساہت دے ’کیٹس’ کہے جان والے اسرار الحق ’مجاز’ اس دنیا توں کوچ کرن توں پہلاں اوہ اپنی عمر نالوں کیتے وڈیاں رچناواں دی سوغات اردو ساہت نوں دے گئے۔

جیون ویروے

مجاز دا جنم 19 اکتوبر 1911 نوں اتر پردیش دے بارابنکی ضلعے دے رودولی پنڈ وچّ ہویا سی۔ اوہناں دے والد چودھری سراج الحق اپنے علاقے وچّ وکالت دی ڈگری کرن والے پہلے آدمی سن۔ اوہ محکمہ مال وچّ سرکاری ملازم سن اتے چاہندے سن کہ اوہناں دا پتر انجینیئر بنے۔ اس لئی اوہناں نے اپنے بیٹے دا داخلہ 1929 وچّ آگرے دے سینٹ جانس کالج وچّ سائنس وچّ کرایا۔ پر آگرہ وچّ فانی، ججبی، میکش اکبرابادی ورگے لوکاں دی صحبت صدقہ اسرار دا رجھان غزل لکھن دی طرف ہو گیا۔ آگرے دے بعد اوہ 1931 وچّ بی اے کرن علی گڑھ چلے گئے جتھے اوہناں دا رابطہ سعادت حسن منٹو، عصمت چغتائی، علی سردار جعفری، سبط حسن، جان نثار اختر ورگے سرکڈھ شاعراں نال ہویا۔ اتھے اوہناں نے اپنا تخلص ‘مجاز’ اپنا لیا اتے اوہ غزل دی دنیاں وچّ چمکدا ستارہ بنکے ابھرے۔

پرمکھ رچناواں

• شب تاب
• آہنگ
• نظر -دل
• خواب سہرب
• وطن آشوب
• ساز نوز

شاعری

مجازی دی مختصر جہی زندگی دا خاصہ اس دی شاعری سی۔ اس دی بہترین نظم'آوارہ' ہے، جس دے چند بند 1953 وچّ بنی فلم 'ٹھوکر' وچّ طلعت محمود دی آوازوچّ کافی مشہور ہوئے۔

اے غم دل کیا کروں، اے وحشت دل کیا کروں

یہ شہر کی رات میں ناشادو ناکارا پھروں

جگمگاتی دوڑتی سڑکوں پا آوارہ پھروں

غیر کی بستی ہے کب تکّ در بدر مارا پھروں

حوالے