شوکت علی
| شوکت علی | |
| Shaukat Ali | |
| جنمستھان : | ملکوال، پنجاب 
|
| جمݨ تریخ : | 3 مئی 1944 |
| مرن دیہاڑ : | 2 اپریل 2021 |
| کم : | گلوکاری |
| خاصیئت : | لوک موسیقی فلمی گیت ، غزل |
شوکت علی اک مشہور پاکستانی پنجابی لوک گلوکار سی ۔ اوہ ملکوال، پنجاب وچ پیدا ہوئے ۔
شوکت علی نے 1960 دے دہاکے وچ اُدوں گلوکاری شروع کیتی جد اوہ کالج وچ پڑھدے سی ۔ اوہناں نے اپݨے وڈے بھرا عنایت علی کولوں مدد لئی ۔ شوکت نوں پاکستانی فلم انڈسٹری وچ اک مشہور فلم موسیقی ڈائریکٹر ایم اشرف نے پنجابی فلم تیس مار خان (1963) وچ بطور پچھوکڑ گائیک متعارف کروایا ۔
1960 دے دہاکے دے آخر توں اوہناں نے غزلاں تے پنجابی لوک گیت پیش کیتے ۔ اک لوک گلوکار دی حیثیت نال اوہ نہ صرف پنجاب (پاکستان) بلکہ پنجاب (بھارت) وچ وی مشہور نیں ۔ برطانیا ، کینیڈا تے امریکا ورگے دیساں ، جتھے وی پنجابی وڈی گِݨتی وچ رہندے نیں ، اوتھے اپݨی فنی کارکردگی دا دکھالا کر دے رہے نیں ۔
شوکت علی ، پنجابی صوفی تے لوک شاعری نوں بڑے جوش و خروش تے اک وسیع آواز نال سلسلے وچ گوندے سی ، مثال دے طور تے ہیر وارث شاہ تے سیف الملوک ۔
شوکت علی نوں 1976 وچ 'وائس آف پنجاب' ایوارڈ ملیا ۔ جولائی 2013 وچ اوہناں نوں پنجاب انسٹی ٹیوٹ آف لینگوئج ، آرٹ اینڈ کلچر (PILAC) ولوں 'پرائیڈ آف پنجاب' ایوارڈ نال نوازیا گیا ۔ اوہناں نے دہلی وچ 1982 وچ ہوݨ آلیاں ایشیئن گیمز وچ براہ راست پرفارمنس دتی تے 1990 وچ اوہناں نوں پاکستان دے سبھ توں اعلا شہری صدارتی ایوارڈ پرائڈ آف پرفارمنس نال نوازیا گیا ۔ اوہناں دا گیت "کدی تی ہَس بول ڡے" 2009 وچ بھارتی فلم "محبت آج کل" وچ شامل ہویا سی ۔ اوہناں نے "جگا" دے نام نال اک ٹریک وی جاری کیتا ۔ شوکت علی نے آل پاکستان میوزک کانفرنس دے ایڡنٹس وچ پرفارمنس وی دِتی اے تے اوہ پاکستانی ٹیلی ویژن شوز وچ وی اکثر شرکت کر دے سی ۔
اوہناں دے پُتر عمران شوکت علی ، امیر شوکت علی تے محسن شوکت وی گلوکار نیں ۔
2017 وچ کینیڈا دی اک کمپنی نے اوہناں دے پُتر محسن شوکت علی دی مدد نال پاکستانی موسیقی دی صنعت وچ اوہناں دی خدمات نوں خراج عقیدت پیش کرن لئی اک گھینٹھے دی دستاویزی فلم تیار کیتی ۔ اس دستاویزی فلم وچ شوکت علی نوں اپنے پورے کیریئر میں درپیش اکھیائیاں تے اوہناں دی جدوجہد دکھائی گئی تے ایہدے وچ اوہناں دی پچھلی پرفارمنس توں علاوہ لتا منگیشکر سمیت کئی گلوکاراں دے انٹرویوز وی شامل نیں ۔ ایہدے وچ شوکت نے اپݨے سفر نوں اک نوجوان خواہش مند گلوکار دے طور تے واضح کیتا اے جو بعد وچ پاکستان دا اک مقبول لوک گلوکار بݨ جاندا اے ۔
مشہور گائیکی سودھو
- ساتھیو ! مجاہدو ! جاگ اٹھا ہے سارا وطن
- توں وی حق دا ولی
- ساڈے یار نے بنھ لئے سہرے
- تیری میری ایہ ازلاں دی یاری
- کیوں دور دور رہندے او
- کدی تے ہَس بول وے
- چھلا
- جگا
- ماݨ
- جنت دا پڑچھاواں