ذوالفقار علی بھٹو

ذوالفقار علی بھٹو
Bhutto 1974.jpg
ذوالفقار علی بھٹو
جمیا: 5 جنوری 1928 لاڑکانہ برطانوی ہندستان
مریا: 4 اپریل 1979 راولپنڈی پاکستان
صدر پاکستان : 20 دسمبر 1971 - 13 اگست 1973 چوتھا صدر
وزیراعظم پاکستان: 14 اگست 1973 - 5 جولائی 1977
وزیرخارجہ پاکستان: 15 جون 1963 - 12 جون 1966
20 دسمبر 1971 - 28 مارچ 1977
پارٹی: پاکستان پیپلز پارٹی Flagge der Pakistanischen Volkspartei.svg

ذوالفقار علی بھٹو پاکستانی سیاستدان سی جیہڑا 1971 توں 1973 تک پاکستان دا صدر تے 1973 توں1977 تک پاکستان دا وزیراعظم ریا۔اودا جوڑ پاکستان پیپلز پارٹی نال سی۔ ذوالفقار علی بھٹو سند دے اک وڈے جگیردار دے پتر سن۔ امریکہ تے برطانیہ توں پڑھن مگروں پاکستان چ ڈکٹیٹر جنرل ایوب خان نال رل گۓ تے اودی پارٹی کنونشنل مسلم لیگ دے کنوینر تے ایوب خان دی سرکار چ وزیر رۓ۔ فاطمہ جناح دے خلاف چناؤ چ ایوب خان نال سن۔ 10 ورے تک ایوب خان نال رہن دے مگروں بھٹو اودے خلاف ہوگیا۔ پاکستان پیپلز پارٹی دی نیو رکھی۔ سوشلزم دا تے غریباں دا نعرہ لاکے 1970 دیاں چوناں لیندے پاکستان چ جت کے لیندے پاکستان دا صدر تے فیر وزیر اعظم بن گیا۔ جرنل ظیا نے اونوں پھانسی تے چاڑدتا۔

ذوالفقار علی بھٹو خورشید بیگم تے سر شاہنواز بھٹو دا پتر سی۔ اوہ 5 جنوری 1928 نوں لاڑکانہ سند چ جمیا۔ اوہ اپنے ماں پیو دا تیجا پتر سی۔ اودا پیو سر شاہنواز بھٹو ریاست جوناگڑھ دا وزیر اعظم سی۔ 1943 چ اودا ویاہ شیریں امیر بیگم نال ہویا جیہڑا تھوڑے چر مگروں ٹٹ گیا۔ 1947 چ بھٹو نے یونیورسٹی آف ساؤتھرن کیلیفورنیا چ داخلہ لیا۔ 1949 چ اوہ کیلیفورنیایونیورسٹی، برکلے امریکہ ول ٹر گیا۔ ایتھوں پولیٹیکل سائنس چ ڈگری لین مکروں تے قنون دی پڑھائی لئی 1950 چ اوہ کرائسٹ چرچ کالج، آکسفورڈ برطانیہ گیا۔ 1953 چ پڑھائی پوری ہوگی۔ 8 ستمبر 1951 نوں اک ایرانی زنانی نصرت بھٹو نال اونے کراچی چ ویاہ کیتا۔ کراچی آکے بھٹو سند مسلم کالج چ پڑھان لگ گیا۔ تس اپنے پیو دے مرن مگروں اپنی زمین جائیداد نون وی سمبالن لگ پیا۔

سیاست چلکھو

1957 چ یونائیٹڈ نیشنز جان والے لوکاں چ بھٹو نوں وی پایا گیا۔ 1958 چ پاکستان چ جنرل ایوب خان نے مارشل لا لا دتا تے بھٹو نے جمہوریت دا سنگ نبھان دے بجاۓ مارشل لا نال رل گیا۔ ایوب خان نے ذوالفقار علی بھٹو نوں انرجی کامرس انفارمیشن تے انڈسٹری دا وزیر بنا دتا۔ جوان تے ناتجربہکار لون دے باوجود بھٹو ایب خان دے نیڑے تے سیاست چ اوپر ہوندا گیا۔ 1960 چ اونے ہندستان نال پانی دا ایگریمنٹ کیتا۔ ذوالفقار علی بھٹو نے ایوب دی کنونشنل مسلم لیگ نوں چلایا۔

1962 چ ذوالفقار علی بھٹو نوں پاکستان دا وزیر خارجہ بنا دتا گیا۔ وزیرخارجہ بنن مگروں بھٹو نے امریکہ ول ہوئی پالیسی نوں پلٹیا تے پاکستان دے ساک چین نال جوڑۓ۔ 1963 چ چین نال ولگن تے معاہدہ کیتا تے چین نوں 750 مربع کلومیٹر تھاں دیدتا۔ بھٹو نے اسلامی دیساں نال وی ساک گوڑے کیتے۔ 65 دی لڑائی مگروں جون 1966 چ بھٹو نے وزارت چھڈدتی۔

پاکستان پیپلز پارٹیلکھو

30 نومبر 1967 نوں لہور چ اونے پاکستان پیپلز پارٹی دی نیو رکھی۔ اے پارٹی اسلام لوک راج سوشلزم دیاں نیویاں تے بنی۔ 1970 دے چناؤ چ لیندے پاکستان چ پاکستان پیپلز پارٹی جت جاندی اے۔ پر جڑدے پاکستان چ عوامی لیگ چناؤ جتدی اے۔ راج عوامی لیگ نوں لبنا چائیدا سی۔ بھٹو دا نعرہ لوک راج سی پر اونے عوامی لیگ دے شیخ مجیب نوں راج ناں دتا۔ چڑدے پاکستان دے وکھرے ہون توں مگروں 1971 نوں ذوالفقار علی بھٹو پاکستان دا صدر بنا دتا جاندا اے۔ راج چ آن مگروں بھٹو نے جگیردارون نوں اگے لے کے آیا۔ ووٹ اونے عریباں کولوں لۓ سن سند تے پنجاب چ پر ایتھے اونے راج دو جگیرداراں ممتاز بھٹو تے غلام مصطفا کھر نوں دتا۔ فیڈرل سیکورٹی فورس دے ناں تے اپنی اک وکھری فوج بنائی جینے اودے ویریاں نوں رج کے تنگ کیتا۔ جرنل ضیا نے مارشل لا لا کے راج تے مل مار لیا تے ذوالفقار علی بھٹو نوں پھانسی دیتی

بارلے جوڑلکھو