ذولقادر بیلیک
Beylik of Dulkadir | |||||||||
|---|---|---|---|---|---|---|---|---|---|
| 1339–1515 | |||||||||
 ذولقادر بیلیک | |||||||||
| راجگڑھ | البستان | ||||||||
| عمومی زباناں | پرانی اناطولی ترکی | ||||||||
| مذہب | اسلام | ||||||||
| حکومت | بادشاہت | ||||||||
| بے | |||||||||
• 1337–1353 | زین الدین قراجا بے | ||||||||
• 1465-1467, 1472-1480 | شاہ برداک بے | ||||||||
• 1480-1515 | علاؤدولہ بوزکرت | ||||||||
| تاریخ | |||||||||
• قیام | 1339 | ||||||||
• خاتمہ | 1515 | ||||||||
| |||||||||
اناطولیہ دی ذولقادر بیلیک ( ترک بولی :Dulkadiroğulları Beyliği) اک ترک سرحدی راجواڑا سی ، جسنوں اوغوز ، قزلباش ترکاں دے بایات ، افشار تے بیگدیلی قبیلےآں نے سلطنت روم دے خاتمے مگروں قایم کیتا سی ۔ اس بیلیک دا راجگڑھ مختلف ویلےآں اج دے ترکی دے صوبہ قہرمان مارش دے شہر البستان دے آلے دوالے رہیا۔
کجھ چر لئی ذولقادر بیلیک دا اثر کیرشہر توں موصل تک رہیا ، پر عثمانیاں دے اٹھن نال ، ایہہ عثمانیاں تے مصر دے مملوکاں وچکار بفر سٹیٹ بن گئے ۔ ایہہ بیلیک 16ویں صدی دے شروع چ سلطنت عثمانیہ دا حصہ بن گئی ۔ 19ویں صدی دے ادھ تک عثمانی دستاویزاں چ ایہہ علاقہ ریاست ذولقادریہ لکھیا جاندا رہیا ۔ ذوالقادر ٹبر دیاں کئی شہزادیاں سلطنت عثمانیہ دے سلطاناں نال ویاہیاں گئیاں ۔ ایمن خاتون ، ذولقادر بیلیک دے پنجویں حکمران نصرالدین محمد دی دھی سی ، جہڑی عثمانی سلطان محمد I دی تیجی ملکہ تے سلطان مراد II دی ماں سی ۔ ایہہ ویاہ عثمانی سلطنت تے ذولقادر بیلیک وچکار ایکے دا موڈھی بنیا ۔ ایمن خاتون دا پتر سلطان مراد II آن آلے سارے سلطاناں دا جد سی ۔ ایداں ای مکرم خاتون ذولقادر ریاست دے چھیویں حکمران سلیمان بے دھی سی ، جہڑی سلطان محمد II دی تیجی رانی سی ۔ ہور اگے عائیشہ خاتون ذولقادر ریاست دے 11ویں حکمران علاؤدولہ بوزکرت دی دھی تے سلطان بایزید II دی ملکہ سی ۔