ایچی سن کالج لہور
Aitchison College

تھاں : لہور، پنجاب
پراݨا ناں : پنجاب چیفس کالج
نعرا : استقامت کامیابی دا حکم دیندی آ
بݨیا : 2 جنوری 1886
پرنسپل : مائیکل تھامسن
رقبا : 300 ایکڑ

ایچی سن کالج لہور وچ واقع پنجاب پاکستان دا اک مشہور تعلیمی ادارا اے ۔ ایہدا پراݨا ناں پنجاب چیفس کالج اے ۔ ایتھے ایف اے تک تعلیم دتی جاندی اے ۔ سینیئر کیمرج تک دا انتظام وی موجود اے ۔ ایس کالج دا آغاز 1864ء وچ ہویا سی ۔ انگریزاں نے جگیرداراں ، ریاست دے نواباں ، وڈیرےآں تے امرا دے نیاݨےآں دی تعیم واسطے ایہ خصوصی ادارا بنایا سی ۔ پہلاں ایہ بطور سکول قائم کیتا گیا سی بعد وچ مال روڈ لہور تے چیف کالج دی عمارت تعمیر کیتی گئی ۔ کالج دا موجودہ نام پنجاب دے سابق انگریز گورنر چارلس ایچیسن دے نام تے رکھا گیا ۔ ایہدی عمارت مُڈھ 3 نومبر 1886ء نوں لارڈ ڈفرن نے رکھیا سی ۔ ایس عمارت دا ڈیزاین گنگا رام نے تیار کیتا سی ۔ قیام پاکستان توں بعد ایہ کالج صرف جگیرداراں ، ریاست دے نواباں ، وڈیرےآں تے امرا دے نیاݨےآں واسطے ای مخصوص نئیں رہیا ۔ کالج دے پڑھیار سر تے اچے شملے آلی پگ رکھدے نیں ۔ عہد غلامی وچ ایس کالج وچ ہر پڑھیار لئی دو دو نوکر، کعھوڑے تے اصطبل دا اہتمام کیتا جاندا سی ۔ ہُݨ ایس طبقا داری وچ بہت کمی آ گئی اے ۔ پاکستان دیاں کئی نامور شخصیتاں نے ایس کالج توں تعلیم حاصل کیتی اے ۔