اطہر شاہ خان جیدی
| اطہر شاہ خاں جیدی | |
| Athar Shah Khan Jaidi
| |
| ناں : | اطہر شاہ خاں جیدی |
| جنمستھان : | ریاست رام پور، برٹش انڈیا |
| جمݨ دیہاڑ : | 1 جنوری 1943 |
| مرن دیہاڑ : | 10 مئی 2020 |
| مرنستھان : | کراچی |
| قومیئت : | پاکستانی |
| کم : | اداکار، شاعر، لکھاری |
| بیاہ دیہاڑا : | 26 فروری 1971 |
| نیاݨے : | چار |
| ایوارڈ : | پرائڈ آف پرفارمنس |
اطہر شاہ خاں جیدی پاکستانی مخولیا اداکار، شاعر، تے لکھاری سن ۔ اوہ 29 جولائی 1943 نوں رام پور (ریاست رام پور)، برٹش انڈیا وچ جمے تے پاکستان بݨݨ مگروں اوہناں دا ٹبر لہور پنجاب آ گیا ۔ اوہناں نے اپݨا بچپن پنجاب وچ گزاریا ایس لئی پنجابی زبان تے پنجابی محول اوہناں دے مزاج وچ رچ بس گئے ۔
پڑھائی لکھائی
سودھواطہر شاہ خاں جیدی نے مُڈھلی تعلیم لہور وچ حاصل کیتی ۔ گریجوایشن وفاقی اردو یونیورسٹی کراچی توں کیتی تے پنجاب یونیورسٹی لہور توں صحافت وچ ایم اے کیتا ۔ ایس توں علاوا ہومیوپیھتک ڈاکٹر دی سند وی حاصل کیتی ۔
شاعری
سودھواطہر شاہ خاں جیدی نے زیادہ تر مخولیا شاعری کیتی اے ۔ اوہناں نے پاکستان ٹیلی ویژن دے پیش کردہ مخولیا مشاعریاں دے سلسلے "کشت زعفران" توں مخولیا شاعری وچ مقبولیت حاصل کیتی ۔ اوہ اداکاری وچ اپݨے مخولیا کردار جیدی نال پچھاݨے جاندے سن تے مخولیا شاعری وچ اپݨا تخلص وی جیدی رکھیا ۔
نمونا کلام
سودھو- ویسے تو زندگی میں کچھ بھی نہ اس نے پایا
- جب دفن ہو گیا تو شاعر کے بھاگ جاگے
- وہ سادگی میں ان کو دو سامعین سمجھا
- بس آٹھویں غزل پر منکر نکیر بھاگے
- یارب دل جیدی میں ایک زندہ تمنا ہے
- تو خواب کے پیاسے کو تعبیر کا دریا دے
- اس بار مکاں بدلوں تو ایسی پڑوسن ہو
- جو قلب کو گرما دے اور روح کو تڑپا دے
کتاب
سودھو- تانک جھانک (مخولیا شاعری)
لکھاری
سودھواطہر نے بطور لکھاری ریڈیو پاکستان توں اپنے کیریئر دا آغاز کیتا تے 700 دے لگ بھگ ڈرامے لِکھے ۔
اداکاری
سودھواطہر شاہ خاں جیدی نے ٹیلی وژن تے سٹیج اُتے بطور ڈراما لکھاری اپݨے تخلیقی کم دا آغاز کیتا ۔ اوہناں دے تحریر کردہ مخولیا ڈرامےآں نے بہت زیادہ مقبولیت حاصل کیتی ۔ اک ٹی وی انٹرویو وچ اطہر نے دسیا کہ وہ ایک دفعا اپݨے ای اک ڈرامے دے اک اداکار نال موٹر سائیکل تے سفر کر رہے سی کہ موٹر سائیکل وچ کوئی نقص پیدا ہو گیا، جد ایہنوں ٹھیک کرن لئی رکے تاں لوکاں نے اداکار نوں پچھاݨ لیا پر ڈرامے دے لکھاری (اطہر شاہ جیدی) ول کوئی تعھیان نئیں دتا ۔ بقول اطہر شاہ جیدی دے ایس واقعے نے مینوں اداکاری ول مائل کر دتا ۔ جیہدے نتیجے وچ جیدی دا کردار بݨ گیا ۔ جیدی دے کردار اُتے مرکوز پاکستان ٹیلی ویژن توں آخری ڈراما ہائے جیدی 1997ء وچ پیش کیتا گیا ۔ اوہناں نے پنجابی فلم منجی کِتھے ڈاہواں وچ اداکاری کیتی ۔ ایس توں علاوا مخولیا ٹی وی ڈرامے دے سلسلے انتظار فرمائیے وچ وی اداکاری کیتی ۔ اوہناں دی سیریز جیدی کے سنگ تقریبن 19 سال تک ٹیلی ویژن تے چلدی رہی ۔
مشہور ڈرامے
سودھو- انتظار فرمایے
- لاکھوں میں تین
- با ادب با ملاحظا ہوشیار
- ہائے جیدی
- ہیلو ہیلو
- برگر فیملی
- تعلیم بالغاں
فِلماں
سودھو- منجی کِتھے ڈاہواں (پنجابی)
- بازی (1970)
اعزازات
سودھوحکومتِ پاکستان نے اطہر شاہ خاں جیدی نوں 2001ء وچ صدارتی اعزار برائے حسن کارکردگی (پرائڈ آف پرفارمنس) عطا کیتا ۔ پاکستان ٹیلی ویژن نے اپݨی سِلور جوبلی تے اطہر شاہ خان جیدی نوں گولڈ میڈل عطا کیتا ۔