ہنزا

ہنزا
دیس:	پاکستان
ضلع:	گلگت
راجکعر:	کریم آباد(بلتت)
رقبہ:	7,900 مربع کلومیٹر
لوک گنتی:	48,000
بولی:	بروشسکی

ہنزا دی وادی پاکستان دے صوبہ گلگت بلتستان دے ضلع گلگت دی اک پہاڑی وادی اے۔ ایہ وادی دریائے ہنزہ دے اتر وچ 2،500 میٹر(8،200 فٹ)دی اُچائی تے واقع اے۔ ایہدا رقبا 7،900 مربع کلومیٹر (3،100 مربع میٹر) دے لگ بھگ اے ۔ کریم آباد جیہڑا بلتت دے ناں نال وی مشہور اے ۔ ایتھے دا وڈا شہر اے ۔ ایہ اپنی سوہنے دکھالیاں تے اُچیاں چوٹیاں دی وجہ نال سیاحاں دی پسند دی تھاں اے۔

تریخ

ہنزا دا علاقا اُبھے چڑھدے وچ چین تے اُبھے لہندے وچ پامیر دے نال رلدا اے۔ 1974ء توں پہلاں ایتھے شاہئی راج چلدا سی جیہنوں مرکزی حکومت نے مُکا دتا سی ۔ ہنزا دے لمے وچ گلگت تے چڑھدے وچ پرانے تے مکے ہوۓ شاہی راج دا علاقا نگر اے ۔

رت

ہنزا دی رت سیال وچ ٹھنڈی تے گرمیاں وچ موسم چنگا ہُندا اے ۔ سیال وچ پالا منفی 10 ڈگری سینٹی گریڈ تک ہندا اے ۔ گرمیاں وچ گرمی 15 ڈگری سینٹی گریڈ تک ہندی اے ۔

لوک

برمہانک، ہنزا دا اک روایتی کھاݨا

ہنزا دے لوک بوت مہمان نواز نیں ، ایتھے دے لوک امن پسند تے مہماناں دا خیال رکھن آلے نیں ۔ ہنزا دے لوک بروشو قوم نال تعلق رکھدے نیں تے ایناں دی وڈی گنتی بروشسکی بولی بولدے نیں تے کجھ شینا تے واکھی بولی وی بولدے نیں ۔ اس دے علاوہ اردو تقریبا سب لوک ای بولدے نیں تے انگریزی وی ہر پڑھئیا لکھئیا جاندا اے ۔ ایتھے پڑھائ دا تناسب نوے(90)فیصد توں ود اے تے ایتھوں دا تقریبن ہر بال ای چھوٹی جماعت تکر پڑھائ ضرور کردا اے ۔

ہنزا دے پہاڑ

ہنزا وچ بہت سارے نکے وڈے پہاڑ نیں ۔ جیہناں وچ راکا پوشی 7788 میٹر ، گولڈن پیک 7027 میٹر ، دیران 7275 میٹر تے ایس توں علاوا بیافو گلیشیئر مشہور نیں ۔