گندھارا
| گندھارا | ||
|---|---|---|
| تاریخ تاسیس | 750ء کی دہائی ق م | |
| انتظامی تقسیم | ||
| ملک |  پاکستان [۱]
| |
| متناسقات | 33°45′22″N 72°49′45″E / 33.756°N 72.8291°E | |
|
|
||
ترمیم  | ||
گندھارا (انگریزی:Gandhara) اک پراݨا دیس اے جیہڑا اُتلے پاکستان دے پنجاب، ہزارا تے صوبا خیبر وچ وسیا ہویا سی۔ پنجاب پٹھار، پشاور دی وادی، سوات، دیر، بونیر تے بدخشاں تک دے علاقے ایہدے وچ شامل سن۔
ٹیکسلا تے پشاور ایہدے نگر سن۔ گندھارا 2600 ورھے پہلاں وڈی رہتل بنی تے یارویں صدی تک چلی۔ بدھ کشان اودوں ایتھے راج کردے سن۔ اوہناں توں بعد ہندو شاہی دے راجے ایتھے راج کردے رہے۔ محمود غزنوی نے گندھارا اُتے 1021 وچ مل مار لیا۔ مغلاں دے ویلے ایتھے لہور یا کابل توں راج کیتا جاندا سی۔ 19 ویں صدی چ رنجیت سنگھ دی سلطنت وچ آگیا۔
ناں سودھو
گندھارا سنسکرت بولی دا لفظ اے۔ ایہ سنسکرت لفظ گندھ توں بݨیا اے جیہدا مطلب ‘‘‘ خُشبودار‘‘‘ اے۔ لکھتاں وچ ایہ ناں پہلی واری رگ وید وچ ايا۔
تریخ سودھو
گندھارا ناں ہندوواں دی مقدس کتاب رگ وید وچ آیا اے۔ ایہ ایرانی لکھتاں وچ وی دِکھدا اے۔ گندھارا دا مطلب "خُشبودار" اے۔ ایرانی بادشاہ دارا دے 23 صوبیاں وچ اک گندھارا وی سی۔ یونانی تریخ لکھاری ہیروڈوٹس نے اپنی تریخ وچ گندھارا دا شمار دارا بادشاہ دے ٹیکس دیݨ والے تھان٘واں وچ کیتا اے۔ پرانے ہندو ویلیاں وچ گندھارا اترپاٹھا وچ آؤندا سی۔ رامائن تے مہابھارت وچ گندھارا دے بارے چ لکھتاں نیں۔
