کیسپیئن سمندر جس نوں قزوین سمندر وی کیندے نیں تھاں نال جگ دی سب توں وڈی جھیل اے۔ اس دا تھاں 3 لکھ 71 ہزار مربع کلومیٹر اے جدکہ حجم 78 ہزار 2 سو معکب کلومیٹر اے ۔ ایہہ ایشیاء تے یورپ وچکار چارے پاسیئوں زمین نال گھریا ہوئیا پانی انگ اے ۔ اسدی ودھ توں ودھ ڈونگھائی 1025 میٹر اے ۔

Caspian Sea from orbit.jpg
Stenka Razin - Vasily Surikov

کیسپیئن سمندر نوں سمندر اس لئی وی آکھیای جاندا اے جدوں پہلی وار رومی اسدے کنڈے تے اپڑے تے اوہناں نے اسدا پانی چکھیا جہڑا کہ نمکین سی تے اوہناں نے اسنوں سمندر آکھیا۔

کیسپیئن سمندر دا کنڈا روس ، ایران ، آذربائیجان ،ترکمانستان تے قازقستان نال لگدا اے ۔

کیسپیئن سمندر منیچ تے ڈون وولگا نہر دے راہیں کالا سمندر نال جڑیا اے تے اینج ساری دنیا نال جڑیا ہوئیا اے تے اسدے کنڈے دیساں دا بپآر تے دوجے مال بردار جہاز کیسپیئن سمندر توں دریائے وولگا تے فیر ڈون وولگا نہر تھانی ہندے ہوئے دریائے ڈون دے وچوں لنگھدے ہوئے ازوف سمندر تے فیر کالا سمندر دے راہ ریندی دنیا چ جاندے نیں۔

آذربائیجان دا راجگڑھ باکو وی اسدے کنڈے تے وسدا اے ، جہڑا کہ اس علاقے چ تیل دی کڈائی دا وڈا گڑھ اے ۔ کیسپیئن سمندر تیل دی دولت نال وی مالامال اے ۔ دنیا چ سب توں پہلا تیل دا کھوہ (کنواں) وی اسدے کنڈے تے کھودیا گئیا سی ، جس دی گل ذکر مشہور پاندھی مارکوپولو نے اپنے سفر نامے چ کیتا اے کہ اوہ جدوں باکو دے کولوں لنگھیا تے اسنے ایتھے تیل دے کھوہ دیکھے جتھوں لوک تیل لیندے سن ۔