کیسریا بالم

کیسریا بالم آؤ ری ، پدھارو مارے دیس راجستھان دا اک مشہور لوک گیت اے ۔ ایہ گیت گائیکی دے مانڈ سٹائل وچ گایا جاندا اے ۔ ایہ معلوم نئیں کہ ایہ گیت کیہدا اے ۔ ایہنوں راجستھان دی لوک گائیک اللہ جلائی بائی نے گایا سی ۔ ایس توں علاوا مہدی حسن سمیت ہور بہت سارے گائیکاں نے وی ایہ گیت گایا ۔ ایہ گیت راجستھان توں علاوا پنجاب وچ وی مقبول اے ۔

فِلماں تے ڈرامےآں وِچ

• ایس گیت نوں 1991 دی ہندی فلم لیکن وچ شامل کیتا گیا ۔ ایس فلم واسطے ایہ گیت لتا منگیشکر نے گایا سی ۔
• 2006 دی فلم ڈور وچ وی ایہ گیت شامل کیتا گیا ۔
• 2009 دے اک ہندی ڈرامے دا ناں ایس گیت دے ناں تے کیسریا بالم آوو ہمارے دیس رکھیا گیا ۔
• پاکستان ٹیلی ویژن کراچی سینٹر دے 2005 دے اردو ڈرامے جہاں بسیں دلدار وچ وی ایہ گیت خاص طور تے شامل کیتا گیا ۔ ایس ڈرامے واسطے ایہ گیت نصیرودین صامی نے گایا سی ۔