کالاش لوک

کالاش

کالاش عورتاں
کل آبادی
(ca. 4,100)
گنجان آبادی والے علاقے
ضلع چترال، پاکستان
زباناں
کالاشہ اردو اتے پشتو
مذہب
کالاش مت، اسلام
متعلقہ نسلی گروہ
نورستانی

کالاش عورتاں

وادی کالاش وچّ ملی کرسی اتے بیٹھی اک عورت، لکڑی دی مورتی

کالاش جاں کلاش لوک ہندوکش پربت لڑی وچّ وسن والا اک لوک گروہ ہے۔ ایہہ لوک اتنے لہندے پاکستان وچ خیبر پختونخواہ دے چترال ضلعے وچّ رہندے ہن۔ ایہہ لوک اپنی کالاشہ بولی بولدے ہن۔ کالاش لوک اتے گوانڈھ وچّ رہن والے افغانستان دے نورستانی لوک اک ہی نسل دیاں دو شاخاواں ہن۔ نورستانی لوکاں نوں انیویں صدی دے انت وچّ افغانستان دے امیر عبدالر رحمٰن خان نے ہرا کے مسلمان بنایا سی جدوں کہ بہت سارے کالاش لوک اجے وی اپنے ہندو دھرم نال ملدے جلدے پرانے دھرم دے پیروکار ہن۔ ہن ایہناں دی آبادی محض 6,000 دے لگپگ ہے اتے کالاش لوک زیادہتر بمبوریت، رمبور اتے بریر نام دیاں تنّ وادیاں وچّ رہندے ہن اتے کالاش بولی وچّ اس علاقے نوں کالاش دیس کیہا جاندا ہے۔

سبھیاچار

کالاش لوکاں دا سبھیاچار اپنے ارد-گرد دے لوکاں نالوں بالکل وکھ ہے۔ ایہہ کئی دیوی-دیوتےآں وچّ یعقین رکھدے ہن۔ کیونکہ بہت سارے کالاش لوکاں دا رنگ گورا ہے اتے ایہناں دیاں اکھاں اکثر نیلیاں-بھوریاں ہندیاں ہن، اس لئی ہندوستان وچّ انگریزی راج دے زمانے وچّ کئی لہندے اتہاسکاراں دا کہنا سی کہ ایہہ سکندر دیاں فوجاں وچّ شامل یونانیاں دی اولاد ہن، لیکن ہن اسنوں اک جھوٹھ ہی منیا جاندا ہے۔ اوہناں دے دھرم نوں وی پہلاں پرانے یونانی دھرم ورگا منیا جاندا سی، لیکن ہن دے مطالعہ توں پتہ چلیا ہے دے ایہہ پرانے بھارتی اتے ہند - ایرانی دھرم دے کِتے زیادہ نیڑے ہن۔

کالاش بولی

کالاش بولی برصغیر دے اتلے لہندے حصے اتے افغانستان وچّ ملدیاں داردی بولیاں وچوں اک ہے اتے ہند ایرانی بولیاں دے چترال ذیلی گروہ دی اک میمبر ہے۔ اجکلّ صرف پنج کو ہزار لوک ایہہ بولی بولدے ورتدے ہن اتے یونیسکو نے اسنوں لوپ ہون دے گمبھیر خطرے دے وچلیاں بولیاں وچّ درج کیتا ہویا ہے۔

حوالے