ونسٹن چرچل

چرچل
جمیا:	30 نومبر 1874 برطانیہ
مرن دن :	24 جنوری 1965 برطانیہ
کم :	ساہت
انعام:	1953 اچ ساہت دا نوبل انعام

سر ونسٹن چرچل (1879ء - 1965ء) برطانوی سیاستدان لارڈ رنڈولف چرچل دا وڈا پتر سی ۔ اس نے ہیرو تے سنڈھرسٹ توں تعلیم حاصل کیتی ۔ ہندستان چ شمال مغربی سرحد تے دکھنی افریقہ چ سپاہی تے اخباری نمائندہ رہیا ۔ جنگ بوئر چ گرفتار ہوئیا پر بچ نکلیا ۔ 1901ء چ پہلی واری پارلیمنٹ دا رکن منتخب ہوئیا تے مختلف عہدیاں تے فائز رہیا جنہاں چ وزیر داخلہ (1910ء-1911ء9 تے وزیر خزانہ (1924ء-1929ء) وی شامل نیں ۔

درہ دانیال مہم چ ناکامی دے بعد سیاست توں کنارہ کرگئیا ۔

سیاست چ دوبارہ آنا

سنہ 1936ء توں 1938 وزیراعظم چیمبرلین دی ہٹلر نوں خوش کرن دی پالیسی دی شدید مخالفت کیتی جس دی وجہ توں دوبارہ سیاست چ آئیا ۔ دوجی جنگ عظیم شروع ہون دے بعد ناظم امارات بحری دی حثیت نال کابینہ چ شامل ہوئیا تے مئی 1940ء چ وزیر اعظم منتخب ہوئیا ۔ جنگ عظیم دے بعد لیبر پارٹی برسراقتدار آئی تے قائد حزب اختلاف بنیا ۔ اس دوران سویت یونین تے مغربی اتحادیاں دے وچکار غلط فہمیاں تے رنجشاں پیدا کروائیاں تے سویت یونین لئی "آہنی پردہ" دی اصطلاح وی اس دی ایجاد اے ۔ اکتوبر 1951ء دیاں چوناں چ قدامت پسند پارٹی (کنزرویٹو پارٹی) نوں دوبارہ منظم کیتا تے اینہاں انتخابات چ قدامت پسند پارٹی دی جت ہوئی تے ایہہ دوبارہ وزیر اعظم بنیا تے 1955ء چ بڑھیپے دی وجہ توں ریٹائرڈ ہوگئیا ۔ " وی" یعنی وکٹری دا نشان وی چرچل دی دین اے ۔

نام روپ

چرچل اعلی درجے دا مدبر پر انتہائی قدامت پسند سیاستدان سی ۔ دوجی جنگ عظیم چ اسدی مدبرانہ سوچ نے اہم کردار ادا کیتا ۔ بہت سارے لوکاں دا خیال اے جے چرچل نا ہندا تے شاید اج جگ دی تریخ کجھ ہور ہندی ۔ دوجی جنگ عظیم دے بعد اسنے مغربی طاقتاں نوں سویت یونین نوں ختم کرن تے اکسائیا ، پر امریکی صدر روز ویلٹ نے ، عالمی رائے عامہ دے خوف توں ، اسدی سختی نال مخالفت کیتی ۔ چرچل آخری دم تک برطانوی نوآبادیاں دی آزادی دی مخالفت کردا رہیا ۔ اسنوں مصوری نال خاص لگاؤ سی تے ایہہ کئی کتاباں دا مصنف سی ، جنہاں چ "دوجی جنگ عظیم دی تریخ" 2 جلداں ج شائع ہوچکی اے ۔

نوبل انعام

چرچل نوں 1953ء چ ادب دا نوبل انعام دتا گئیا۔

ہور ویکھو

• نوبل انعام جتن والیاں دی لسٹ

برطانیہ دے وزیراعظم

چرچل · ڈیوڈ کیمرون · جان میجر · ٹونی بلیر · گورڈن براؤن · مارگریٹ تھیچر · جیمز کالاہان · ہیرلڈ ولسن · ایڈورڈ ہیتھ · ایلک ڈگلس ہوم · ہیرلڈ میکملن · اینتھنی ایڈن ·

ادب وچ نوبل انعام لیݨ والے

سلی پروڈہوم · تہیوڈر مومسن · بیورنسترن بیورنسن · فریڈرک مسترال · جوز ایچگارے · ہینرک سائنکائیوکز · گیوشے کارڈوچی · رڈلف کرسٹوف یوکن · سلما لاگرلوف‏ · موریس ماترلنک · گرہارٹ ہاپٹمان · رابندرناتھ ٹیگور · رومین رولاں‏ · ورنر فون ہائیڈنسٹام‏ · کارل گیلورپ · ہینرک پونٹوپیڈان‏ · کنٹ ہامسن · اناطولے فرانس · جاسنٹو بیناونٹے · پال ہائیسے · کارل سپتلر · جاسنٹو بیناونٹے · ولیم بٹلر ییٹس · ولیڈیسلا ریمونٹ · جارج برنارڈ شا · گرازیا ڈیلیڈا · ہنری برگساں · سگریڈ انڈسٹ‏ · تھامس مان · سنکلیئر لیوس · ایرک ایکسل کارلفلڈٹ · جان گالزورتھی · آئیون بونن · لویگی پیرانڈیلو · یوجین او نیل · راجر مارٹن دو گارڈ · پرل ایس بک · فرانز ایمل سیلانپا · یوہانس ولہلم جینسن · گیبریلا مسترال · ہرمن ہیسے · اینڈر گائڈ · ٹی ایس ایلیٹ · وِلیئم فاکنر · برٹرینڈ رسل · پار لاگرکوسٹ · فرینسواس مائرس · چرچل · ارنسٹ ہیمنگو ے · ہالڈر لیکسنس · جوان جیمینز · البرٹ کامیو · بورس پاسٹرنک · فلپ نوئل بیکر · سینٹ جان پرس‏‏ · ایو ایندرک‏‏ · گیورگوس سفریز · ژاں پال سارتر · میخائل شولوخوف · شموئل یوسف ایگنون · نیلی زاکس · مگویل استوریاس · سیمیول بیکٹ · الیگزنڈر سولزنتسن · ایلس منرو · پیٹرک موڈیانو · کینزابیورو اوئی · مو یان