پنجابی غزل
پنجابی غزل پنجابی شاعری دی اک ونڈ اے۔ غزل عرب توں ٹری تے ایران توں ہوندی ہوئی پنجاب اپڑی۔ عبدالغفور قریشی غزل بارے کیندے نیں جے غزل شاعری دی اک ایسی ونڈ اے "جس وچ عاشقانہ، صوفیانہ تے فلسفیانہ رنگ دے خیالات ہوون۔ ایس وچ ہر طرح دے مضمون سما جاندے نیں ایس دا پہلا شعر بیت تے باقی شعر فرد ہوندے نیں"۔
پنجابی غزل دے مڈ بارے اے کیا جاندا اے جے مسعود سلمان پنجابی چ غزل دا پہلا شاعر سی پر اوہدا کوئی دیوان نیں بچیا۔ ایے مگروں بابا فرید نوں پنجابی دا پہلا شاعر منیا جاندا اے۔ حضرت نوشہ گنج بخش نوں پنجابی دا پہلا غزل دا شاعر منیا جاندا اے۔ اوناں دا اک شعر:
ہک پل سکھ نہ آوے تدھ بن ہک پل سکھ نہ آوے - پل پل دردوں آہیں بھراں سے غوطے جی کھاوے
شاہ حسین دیاں کافیاں نوں وی غزل نال رلدی ملدی شے آکھیا جاسکدا اے۔ بلھے شاہ دیاں کافیاں وچ وی عزل دا رنگ دسدا اے۔
بلہے شاہ دیاں کافیاں وچ وی تغزل دا رنگ دسدا اے۔ علی حیدر ملتانی دیاں سہ حرفیاں غزل دے نیڑے نیڑے لگدیاں نیں۔
شاہ مراد خانپوری (1628-1720) پنجابی دے پہلے شاعر نیں جناں غزلاں لکھیاں۔ شاہ مراد دیاں اٹھ غزلاں ہیے نیں۔ اودیاں غزلاں فارسی نال رلدیاں دسدیاں نیں۔ شاہ مراد دی شاعری چ پیڑ تے راگ دا پکھ وی دسدا اے۔
میاں محمد بخش نے اپنی کتاب سیف الملوک چ ٹانویاں ٹانویاں ئزلاں لکھیاں نیں۔ اک شعر:
تختی دل دی اتے لکھے صورت نقش سجن دے - دھوتے دور نہ ہوندے ہرگز ڈونکہے اکھر من دے
ایہناں مگروں استاد گاموں خان استاد بردا پشاوری تے مولوی دلپزیدی دے ناں اگے اندے نیں۔ اگلے وڈے پنجابی شاعر مولا بخش کشتہ نیں۔ اوہناں ردیف وار غزلاں لکھ کے 1903 چ اپنا دیوان چھپوایا۔
پنجابی غزل دے ہور شاعر:
- عبدالغنی وفا
- استاد عیسا
- فرید مزنگوی
- عبدالمجید سالک
- استاد جوہر
- فقیر محمد فقیر
- دھنی رام چاترک
- ودھاتا سنگھ تیر
- کرتار سنگھ بلگن
- موہن سنگھ ماہر
- ہریندر سنگھ روپ
- عجايب چتر کار
- پربھ جوت کور
- راج بیدی
- صوفی تبسم
- فیروز دین شرف
- عبدالکریم ثمر
- رمضان وزیر آبادی
- موسا لدھیانوی
- عاشق لدھیانوی
- کشن سنگھ عارف
- درشن سنگھ آوارہ
- تیجا سنگھ صابر
- برکت رام یمن
- عبدامجید بھٹی
- حکیم ناصر