ہنزا

ہنزا
(اردو وچ: ہنزہ)
انتظامی تقسیم
ملک	پاکستان
تقسیم اعلیٰ	گلگت بلتستان
متناسقات	36°19′00″N 74°39′00″E
[مکمل اسکرین پر]

وادی ہُنزا (انگریزی: Hunza Valley)، پاکستان دے صوبہ گلگت بلتستان دے ضلع ہنزا دی اک پہاڑی وادی اے۔ ایہ وادی دریائے ہنزا دے شمال وچ 2500 میٹر(8,200 فٹ) دی بلندی اُتے واقع اے۔ ایہدا رقبہ 11,660 مربع کلومیٹر (4,500 میل) دے لگ بھگ اے ۔ کریم آباد جیہڑا بلتت دے ناں نال وی مشہور اے، ایتھے دا وڈا شہر اے ۔ ایہ اپنی خوبصورت مناظر تے اُچیاں چوٹیاں دی وجہ نال سیاحاں دی پسند دا تھاں اے۔

تریخ

ہنزا دا علاقہ اُبھے چڑھدے وچ چین تے اُبھے لہندے وچ پامیر دے نال جُڑدا اے۔ 1974ء توں پہلاں ایتھے شاہی راج چلدا سی جیہنوں مرکزی حکومت نے مُکا دتا سی ۔ ہنزا دے لمے وچ گلگت تے چڑھدے وچ پرانے تے مکے ہوۓ شاہی راج دا علاقہ نگر اے۔

موسم

ہنزا دا موسم سیال وچ ٹھنڈا تے گرمیاں وچ موسم چنگا ہُندا اے ۔ سیال وچ پالا منفی 10 ڈگری سینٹی گریڈ تک ہندا اے ۔ گرمیاں وچ گرمی 15 ڈگری سینٹی گریڈ تک ہُندی اے ۔

لوک

برمہانک، ہنزا دا اک روایتی کھاݨا

ہنزا دے لوک مہمان نواز تے امن پسند نیں ۔ ہنزا دے لوک بروشو قوم نال تعلق رکھدے نیں تے ایہناں دی وڈی تعداد بروشسکی زبان بولدی اے تے کچھ شینا تے وخی زباناں وی بولدے نیں ۔ اس توں علاوہ اردو تقریبن سبھ لوک بولدے نیں ۔ ایتھے پڑھائی دا تناسب 90 فیصد توں زیادہ اے تے ایتھے دا تقریبن ہر بال چھوٹی جماعت تک پڑھائی ضرور کردا اے ۔

ہنزا دے پہاڑ

ہنزا وچ بہت سارے چھوٹے وڈے پہاڑ نیں ۔ جیہناں وچ راکا پوشی 7788 میٹر، گولڈن پیک 7027 میٹر، دیران 7275 میٹر تے ایس توں علاوہ بیافو گلیشیئر مشہور نیں ۔

ہور دیکھو

• دریائے ہنزا
• ضلع ہنزا

حوالے