معراج نامہ
معراج نامہ، اسلامی شاعری دی اک صنف اے جس وچ حضرت محمد صلی اللہ علیہ و آلہ وسلم دی زِندگی دے محیر العقُول واقعہ معراج دا ذِکر کِیتا جان٘دا اے ایہدا حال بیان کِیتا جان٘دا اے۔ مسلماناں دا منݨا اے کہ حضرت محمد صلی اللہ علیہ و آلہ وسلم نوں راتو رات مکہ توں بیت المقدس تک تے اوتھوں ستّاں آسمانّاں تک لجایا گیا تے جنت تے دیگر اشیاء دا دیدار تے مقامات دی سیر کرائی گئی۔ مُسلمان شعراء اس عظیم روحانی واقعے دا بیان شاعری دی صُورت وچ کردے آئے نیں تے مولود نامہ دی طرحاں اسلامی شاعری وچ معراج نامہ وی اک الَگ صنف اے۔ زیادہ تر معراج نامے پنجابی، فارسی، اردو تے عربی زباناں وچ لِکھے گئے نیں۔
پنجابی زبان وچ قادر یار سمیت بہت سارے پنجابی شاعراں نے معراج نامے لِکھے نیں۔