پروفیسر غلام الثقلین نقوی

غلام الثقلین نقوی
جممارچ 12, 1922(1922-03-12)ء
چوکی ہنڈن، نوشہرا، ریاست جموں کشمیر
موتاپریل 6, 2002(2002-04-06)ء
لہور، پنجاب، پاکستان
دفن تھاںسیال کوٹ، پنجاب، پاکستان
قلمی ناںغلام الثقلین نقوی
کم کِتہافسانا نگار، ناول نگار، سفرناما نگار
بولیپنجابی
قومیتپاکستان دا جھنڈاپاکستانی
نسلپنجابی
تعلیمایم اے
مادر علمیمرے کالج سیال کوٹ، پنجاب یونیورسٹی لہور
صنفافسانا، ناول، سفرنامہ
تحریکحلقہ ارباب ذوق
وڈے کمبند گلی
شفق کے سائے
بکھری راہیں
چل بابا اگلے شہر

غلام الثقلین نقوی (جم: 12 مارچ، 1922ء - چلاݨا: 6 اپریل، 2002ء) پاکستان دے نامور اردو افسانا لکھاری، ناول لکھاری تے سفرنامہ لکھاری سن ۔

حالات زندگی سودھو

غلام الثقلین نقوی 12 مارچ، 1922ء کونوں چوکی ہنڈن، نوشہرہ، ریاست جموں کشمیر چ پیدا ہوئے[۱][۲]۔ اوہناں نے مُڈھلی تعلیم سیال کوٹ تے دیپال پور توں حاصل کیتی۔ مرے کالج سیال کوٹ توں انٹرمیڈیئٹ تے بی اے پرائیویٹ کیتا۔ سینٹرل کالج لہور توں بی ٹی دیاں ڈگریاں حاصل کیتیاں تے پنجاب یونیورسٹی توں ایم اے دکا امتحان پاس کرن توں بعد اوہ تعلیم دے شعبے نال جُڑ گئے۔ اوہ گورنمنٹ کالج جھنگ تے گورنمنٹ کالج لہور چ اردو دے پروفیسر رہے۔ نومبر 1968ء توں اپنی سبکدوشی تک گورنمنٹ کالج لہور نال منسلک رہے۔[۲]

ادبی خدمات سودھو

غلام الثقلین نقوی نے بیک وقت افسانا، سفرنامہ، لیکھ تے ناول دی صنف وچ طبع آزمائی کیتی لیکن اوہ افسانا نگاری دی وجہ توں زیادہ مشہور ہوئے۔ اوہ حلقہ ارباب ذوق نال وابستگی رکھدے سن۔ اوہناں دیاں لِکھتاں چ افسانیاں دے مجموعے بند گلی، شفق کے سائے، سرگوشی، نقطے سے نقطے تک تے لیکھاں دا مجموعہ اک طرفہ تماشا ہے، ناولاں چ بکھری راہیں، میرا گاؤں، ناولٹچاند پور کی نینا ، شیر زمان تے سفرنامہ چل بابا اگلے شہر کدے نام سرفہرست نیں۔ اوہناں دے ناول میرا گاؤں تے دوجیاں لِکھتاں چ پنجابی ثقافت تے پنجابی رہتل دی عکاسی کیتی گئی اے۔[۲]

لِکھتاں سودھو

افسانوی مجموعے سودھو

  • دھوپ کا سایہ
  • سرگوشی
  • گلی کا گیت
  • نقطے سے نقطے تک
  • لمحے کی دیوار
  • نغمہ اور آگ
  • بند گلی
  • شفق کے سائے

ناولٹ سودھو

  • شیرا
  • شیرزمان
  • چاند پور کی نینا

ناول سودھو

  • بکھری راہیں
  • میرا گاؤں

سفرنامے سودھو

  • چل بابا اگلے شہر
  • ارض ِ تمنا
  • ٹرمنس سے ٹرمنس تک
  • مکہ و مدینہ

لیکھ سودھو

  • ایک طرفہ تماشا ہے

وفات سودھو

غلام الثقلین نقوی 6 اپریل، 2002ء نوں لہور چ چلاݨا کر گئے۔ اوہناں نوں موضع بھڑتھ، ضلع سیال کوٹ چ دفنایا گیا۔[۱][۲]

حوالہ جات سودھو

  1. ۱.۰ ۱.۱ غلام الثقلین نقوی، سوانح تے لِکھتاں ویب، پاکستان
  2. ۲.۰ ۲.۱ ۲.۲ ۲.۳ ص 892، پاکستان کرونیکل، عقیل عباس جعفری، ورثہ / فضلی سنز، کراچی، 2010ء