سہرا (شاعری)

سَِہرا (Sehra)، پنجابی تے اردو شاعری وچ نظم دی اک قِسم اے۔ جس وچ نکاح دے موقعے اُتے لاڑھے تے ووہٹی نُوں مبارکباد تے دعاواں دِتیاں جان٘دیاں نیں تے نیک امیداں دا اظہار کیتا جان٘دا اے۔ ایس نظم وچ لاڑھے تے ووہٹی دے سہرے دی تعرِیف وی کِیتی جان٘دی اے۔ سہرا پنجابی لوک گیتاں دا موضُوع ہی بلکہ نامور شاعراں نے وی سہرے لِکھے نیں۔ سہرے دی اک قِسم نعتیہ اے۔

لغوی معنی

سہرا موتیاں یا پُھلاں دیاں لڑِیاں، گوٹے، چاندی یا سونے دِیاں تاراں دے ناݪ تیار کیتا جان٘دا اے، جیہڑا بیاہ ویلّے لاڑھے تے ووہٹی سر اُتے بَنّھ کے مُون٘ھ وَل لٹکا دین٘دے نیں، ایہدے ناݪ چہرہ ڈَھک جان٘دا اے۔

سہرا تعزیے یا قبر اُتے چڑھاؤݨ لئی پُھلاں دے بݨے ہار نوں وی کہیا جان٘دا اے، جیہڑا کِسے چیز اُتے گوݪائی وچ چپکا کے یا پرو کے تیار کیتا جان٘دا اے۔