دریائے ستلج
| دریائے ستلج Sutlej River | |
|---|---|
 دریائے ستلج | |
 ستلج دی گُزرگاہ | |
| مُلک | چین، مشرقی پنجاب، پاکستان |
| State | تبت، ہماچل، چڑھدا پنجاب، پنجاب، پاکستان |
| طبعی خصوصیات | |
| بنیادی ماخذ | Manasarovar-Rakas Lakes تبت ۴٬۵۷۵ میٹر (۱۵٬۰۱۰ فٹ) units? 30°50′39″N 81°12′17″E / 30.84417°N 81.20472°E |
| دریا دا دھانہ | دریائے انڈس بمقام پنجند سنگھم پنجاب، پاکستان ۱۰۲ میٹر (۳۳۵ فٹ) units? 29°23′23″N 71°3′42″E / 29.38972°N 71.06167°Eمتناسقات: 29°23′23″N 71°3′42″E / 29.38972°N 71.06167°E |
| لمبائی | ۱٬۴۵۰ کلومیٹر (۹۰۰ میل) approx. units? |
| نکاس | |
| نکاس (مقام 2) |
|
| طاس خصوصیات | |
| طاس سائز | ۳۹۵٬۰۰۰ کلومیٹر2 (۴٫۲۵×۱۰۱۲ فٹ مربع)approx. units? |
دریائے ستلج (انگریزی: Satluj River)، پنجاب دے دریاواں وِچوں اک دریا اے۔ ایہ تبت دی اک جھیل راکشستال توں نِکݪدا اے۔ ایہدی کُل لمبائی 1448 کلومیٹر اے۔ ستلج نوں یونانی زبان وچ سرخ دریا وی کہیا جاندا اے۔ اس توں علاوہ ایہدا قدیم نام ستادری اے۔ تبت دے مقامی لوک ایہنوں دریائے ہاتھی وی کہندے نیں۔
دریائے ستلج ہمالیا دیاں گھاٹیاں وَچوں گُزر کے ہماچل وچ 900 میل تک دے علاقے نوں سیراب کَردا ہویا ضلع ہشیار پور دے میدانی علاقے وچ آ جاندا اے۔ ایتھوں اک وڈی نہر دی شکل وچ جنوب مغرب وَل وَگدا ہویا بیاس نوں ناݪ رݪا کے پنجاب، پاکستان دے ضلع قصور وچ داخل ہوجاندا اے تے دیپال پور تے پاکپتن دے نزدیک سلیمانکی ہیڈورکس توں گُزردا ہویا بہاول نگر تے بہاولپور دے علاقےآں دیاں زمیناں نوں سیراب کردا اے۔ ریاست بہاولپور دے علاقے نوں زرخیز بݨاؤݨ لئی دریائے ستلج توں نہراں کڈھیاں گئیاں سی، جیہناں دا پاݨی نہ صِرف زمیناں نوں سیراب کر رہیا اے بلکہ چولستان دے کچھ صحرائی علاقےآں وچ فصلاں اگاؤݨ واسطے وی استعمال ہُندا اے۔ ایہ دریا اچ شریف دے کوݪ دریائے چناب ناݪ شامل ہوکے اگے مٹھن کوٹ دے نزدیک پنجند دے مقام اُتے دریائے انڈس وچ ضَم ہوجاندا اے۔ زمانہ قدیم وچ دریائے ستلج اچ شریف دے کوݪوں گُزردا سی۔ ایہدے نشانات ہُݨ وی موجود نیں۔
1960ء دے انڈس طاس معاہدے دے تحت اس دریا دے پاݨی اُتے بھارت نوں اختیار دے دِتا گیا۔ مشرقی پنجاب وچ دریائے ستلج اُتے بھاکھڑا بند تعمیر کیتا گیا، جیہدے ناݪ 450,000 کلو واٹ بجلی پیدا ہُندی اے تے ایہدا پاݨی زراعت لئی استعمال کیتا جاندا اے۔ اس توں علاوہ بھارت نے دریائے ستلج توں سرہند نہر تے وادی ستلج دے نام توں نہری منصوبے تعمیر کرکے علاقے نوں زرخیز بݨا دِتا اے۔
اس دریا دے پاݨی ناݪ پنجاب، ہریاݨا تے راجستھان وچ زرعی زمین سیراب کیتی جارہی اے۔ پاکستان وچ دریائے ستلج وچ پاݨی صِرف سیلاب ویلے داخل ہُندا اے کیونکہ بھارت ایہنوں Flood Release River دے طور تے استعمال کردا اے۔
1849ء تک مہاراجا رنجیت سنگھ دی سلطنت پنجاب تے مشرق وچ ہندوستانی علاقے دے درمیان ایہ دریا اک سرحد دا کَم انجام دیندا سی۔
تصویراں
سودھو
حوالے
سودھو- ↑ "Sutlej valley"۔ The Free Dictionary
| وکیمیڈیا کامنز چ مورتاں: دریائے ستلج |