باقرخانی
 Bakarkhani | |
| قِسم | ڈبل روٹی |
|---|---|
| کھان دا دورانیہ | مٹھا |
| منسلک قومی پکوان | بنگلا دیش، بھارت، پاکستان |
| بنیادی اجزاء | میدا، گھے، ددھ، چینی |
| تغیرات | Gao-joban, Shuki (shukha), Nimshuki, Kaicha-ruti, Mulam, Chinshuki, Kashmiri |
 Cookbook: باقرخانی  Media: باقرخانی | |
باقرخانی، اک موٹی، مسالے دار ڈبل روٹی اے جو مغلائی کھاݨےآں دا حصہ اے۔ باقرخانی مسلماناں دے مذہبی تہواراں اُتے تیار کيتی جاندی اے۔
باقرخانی ساخت وچ سخت پرت دے ناݪ تقریبن بسکٹ ورگی ہُندی اے۔ اہم اجزاء آٹا، سوجی، چینی، زعفران وچ پعیتے ہوئے گڑ، نگیلا دے بیج، نمک تے گھے نيں۔
اجزاء
سودھو- میدا _____ 3 کپ
- سوجی _____ 1 کپ
- دیسی گھے _____ 2 کھاݨے دے چمچ
- ددھ _____ 3 کھاݨے دے چمچ
- چینی_____ 4 کھاݨے دے چمچ
- ہری الائچی پاؤڈر_____ ادھا چاہ دا چمچ
- نمک _____ 1 چاہ دا چمچ
- پاݨی _____ گُنھݨ لئی
ترکیب
سودھواک وڈے پیالے وچ میدا، سوجی، گھیو، ددھ، چینی، ہری الائچی پاؤڈر تے نمک پا کے چنگی طرحاں مِکس کرو۔ فیر آہستا آہستا پاݨی شامل کرکے نرم ڈو گُنھ لئو۔ ڈو نوں گِلے کپڑے ناݪ ڈھاک کے ادھے گھنٹے لئی چھڈ دیو۔ ڈو نوں اَٹھ برابر حصیاں وچ تقسیم کرلئو تے پیڑے بݨا لئو۔ فیر اَٹھ انچ ڈایا میٹر وچ رول کرو۔ اوون وچ باراں منٹ لئی بیک کرو یا کرسپی تے براؤن ہوݨ تک بیک کرو۔
تیاری
سودھوباقرخانی آٹا، گھے، بعض صورتاں وچ الائچی، چینی تے نمک نوں پاݨی دے ناݪ مݪا کے تیار کيتی جاندی اے۔ اس توں بعد آٹا چپٹا کیتا جاندا اے۔ روٹی نوں آٹے دی اک چادر نوں بار بار کھچ کے گھے، گڑ، زعفران دے پاݨی یا نگیلا دے بیجاں دے ناݪ تندور یا توے اُتے پکاؤݨ توں پہلاں تیار کیتا جاندا اے۔
منسوب کہاݨی
سودھواک افسانا باقرخانی دے نام نوں مرشد قلی خان ثانی دے داماد مرزا آغا باقر ناݪ منسوب کردا اے۔ روایات دے مطابق، بنگال دے نواب سراج الدولہ دے ماتحت چٹاگانگ وچ مقیم اک جرنیل باقر، آرام باغ دی خانی بیگم نامی اک رقاصہ ناݪ پیار کردا سی، جیہنوں شہر دے کوتوال تے اک وزیر دے پُتر زینول خان نے وی دیکھیا سی۔ زینول نے اوہنوں ٹھکراؤݨ اُتے خانی اُتے حملہ کرن دی کوشش کيتی تے باقر نے مداخلت کردے ہوئے زینول نوں تلوار دی لڑائی وچ شکست دتی۔ زینول دے دو ساتھیاں نے جا کے اوہدے والد وزیر نوں جھوٹھ بولیا کہ باقر نے زینول نوں ہلاک کردتا اے۔ غصے وچ وزیر نے اوہناں نوں حکم دتا کہ باقر نوں پنجرے وچ شیر دے ناݪ قید کردتا جاوے، باقر نے شیر نوں مار دِتا تے اسے وقت زینول دی موت دا دعوا جھوٹھا نِکݪیا۔ وزیر جہاندار خان تے اوہدے پُتر زینول نے فیر خانی نوں اغوا کر ليا تے جنوبی بنگال دی طرف روانہ ہو گئے۔ خانی نوں بچاؤݨ لئی باقر اوتھے پہنچیا تے لڑائی چلدی رہی۔ تلواراں دے اک ہور چعھگڑے وچ جہاندار نے غلطی ناݪ زینول نوں قتل کر دتا، جد زینول نے نادانستہ طور تے خانی نوں قتل کر دتا۔ خانی نوں بعد وچ بکلا-چندردویپ (پتواکھلی-باریسال) وچ دفن کيتا گیا۔ باقر نے خانی دی قبر اُتے اک مقبرہ بݨایا تے بکلا-چندر دیپ دا ناں اوہناں دے ناں اُتے بدل کے باقر گنج رکھیا گیا۔ باقر پہلے توں ای اس علاقے توں واقف سی کیونکہ اوہ باریسال دے سلیم آباد تے امیدپور پرگنا وچ جاگیردار سی۔ باقر خان تے خانی بیگم دی المناک محبت دی کہاݨی نے نانبائیاں نوں اپنی پسندیدہ روٹی دا ناں باقرخانی رکھݨ دی ترغیب دتی۔ ڈھاکا دی پہلی باقرخانی دی دکان لال باغ قلعہ دے نیڑے ای کھلی تے شہر دے بہت سارے باقرخانی بیچݨ واݪے سلہٹ ڈویژن نال تعلق رکھدے نيں۔ بنگال صوبا، خاص طور تے مغل ڈھاکا، برصغیر دے سارے حصیاں تے مشرق وسطا تے آرمینیا تک دے تاجراں دا مرکز سی۔ تجارتی سفر دے ذریعے باقرخانی بنگال توں باہر بیہار، لکھنئو تے حیدرآباد ورگے علاقیاں وچ مقبول ہوئی۔
ہور دیکھو
سودھو