شیرمال
شیرمال (Sheermal)، اک زعفرانی ذائقے واݪی روايتی روٹی یا ڈبل روٹی اے جو برصغیر پاک و ہند تے ایران وچ تیار کیتی تے کھائی جاندی اے۔ شیرمال دا لفظ فارسی لفظاں شیر (ددھ) تے مال؛ مالیدن (مݪݨا) ناݪ مِݪ کے بݨیا اے۔ ایہ قرون وسطی دے دور وچ مغل بادشاہاں دے ذریعے شمالی ہندستان وچ متعارف کرایا گیا سی۔ ایہ پنجاب، لکھنئو، حیدرآباد، بھوپال تے اورنگ آباد دے کھاݨےآں دا حِصا اے۔
پاکستان وچ وڈے سائز دی گوݪ بریڈ نوں وی شیرمال کہیا جاندا اے۔
تیاری
سودھوشیرمال اک ہلکا مِٹھا نان اے جو میدے توں بݨدا اے، خمیر ناݪ خمیر شدہ ہُندا اے، تندور یا اوون وچ پکایا جاندا اے۔ شیرمال روایتی طور تے روٹی ونگوں بݨائے جاندے سی۔ ہُݨ شیرمال عمومن نان ونگوں تیار کیتے جاندے نیں۔ نان، روٹی دی ترکیب وچ گرم پاݨی دی جگہ گرم ددھ نوں چینی ناݪ مِٹھا، تے زعفران تے الائچی دے ناݪ ذائقا دِتا جاندا اے۔ ایران وچ، شیرمال دی تیاری وچ معمولی علاقائی تغیئرات نیں۔