انور سجاد
Enver Sajjad

جمݨستھان : لہور، پنجاب
جمݨ دیہاڑ : 27 مئی 1935
مرن دیہاڑ : 6 جون 2019
مرنستھان : لہور
کم : لکھاری، اداکار، ڈاکٹر
اعزاز : تمغا حسن کارکردگی 1989

ڈاکٹر انور سجاد پنجاب پاکستان دے مشہور اردو افسانا لکھاری، ناول لکھاری، ڈراما لکھاری تے اداکار سی ۔ اوہ اپݨے افسانےآں وچ علامت نگاری دی وجہ توں مشہور سی ۔ انور سجاد اوداں تاں ایم بی بی ایس ڈاکٹر سی پر اوہناں نے آرٹ تے ادب دے کھیتراں وچ ناں کمایا ۔ اوہ مصور ، اداکار ، بولی وٹادرا کار ، براڈ کاسٹر ، ڈراما لکھاری وی سن ۔

جیون سودھو

انور سجاد 27 مئی 1935ء نوں چونا منڈی لہور، پنجاب وچ ڈاکٹر دلاور علی دے گھر جمے ۔ اوہناں دا پورا ناں سیّد محمد سجاد انور علی بخاری سی ۔ اوہناں نے کنگ ایڈورڈ میڈیکل یونیورسٹی لہور توں ایم بی بی ایس کیتاط۔ فیر ڈی ٹی ایم اینڈ ایچ دا امتحان لندن توں پاس کیتا ۔وطن واپس آ کے ڈاکٹری دا پیشا اختیار کیتا ۔1965 وچ پاکستان ٹیلی ویژن لئی ڈرامے لکھے تے اوہناں وچ بطور اداکار حصہ وی لیا ۔ پاکستان ٹیلی ویژن دے مشہور ڈرامے زرد دوپہر وچ بطور اداکار حصہ لیا تے مستان دا کردار ادا کیتا ۔ اداکاراں تے فنکاراں دے حقوق تے مفادات لئی 1970 وچ آرٹسٹ ایکٹویٹی دی بنیاد رکھی ۔ 1970 وچ حلقہ ارباب ذوق لہور دے سیکرٹری منتخب ہوئے ۔ برلن وچ 1973 وچ ڈرامے تے موسیقی دا میلا منعقد ہویا سی اوہدے وچ پاکستانی وفد وچ رکن دی حیثیت نال رلت کیتی ۔ لہور آرٹس کونسل دے چیئرمین وی رہے ۔ کچھ عرصہ کراچی وچ وی قیام کیتا ۔

ادبی تے فنی خِدمات سودھو

انور سجاد دی شخصیت پہلو دار اے ۔ اوہ پیشے دے اعتبار نال میڈیکل ڈاکٹر سن ۔ نظریاتی وابستگی اوہناں نوں سیاست تک لے آئی ۔ اسٹیج، ٹیلی وژن دی قوتِ اظہار نال واقف سی ۔ اوہ ڈراما لکھاری وی سی تے اک کامیاب اداکار وی سی ۔ مصوری دا فن وی جاݨدے سی تے جدید افسانے دا اک معتبر نام وی سی ۔ اوہ اپݨی شخصیت تے روحِ عصر دے اظہار سارےآں کھیتراں وچ یکساں مہارت رکھدے سی ۔ اوہناں دی شخصیت دے ایہ سارے پہلو اوہناں دی افسانا نگاری وچ کسے نہ کسے طرحاں ظاہر ہوئے نیں ۔ اوہ اچیزں نوں باطنی نظر نال دیکھدے سن جیہدیاں مثالاں اوہناں دے افسانےآں وچ مِلدیاں نیں ۔ اپݨے افسانےآں وچ اوہناں نے حقیقت نوںFantasy دے روپ وچ بیان کرن لئی نویاں نویاں ٹکنیکاں استعمال کیتیاں نیں ۔ استعارے تے علامتاں دی بھرمار نال اوہناں نے Inside out ول سفر کیتا تے اندرلی پرکھ پرچول دیاں تُعھندلیاں پرچھائیاں نال زمانے دی حقیقت بیان کیتی اے ۔ سیاسی تے معاشی ناہمواری اوہناں دے موضوع خاص سی ۔ ڈاکٹر انور سجاد دا پہلا ناولٹ رگ سنگ 1955 وچ چھپیا ۔ دوجیاں کتاباں کتاباں وچ استعارے 1970 ، آج ، پہلی کہانیاں ، چوراہا، خوشیوں کا باغ تے دیگر شامل نیں ۔

لِکھتاں سودھو

  1. رگ سنگ (ناولٹ) : (1955)
  2. استعارے
  3. آج
  4. پہلی کہانیاں
  5. چوراہا
  6. زرد کونپل
  7. خوشیوں کا باغ
  8. نگار خانہ (ٹیلی کہانیاں)
  9. صبا اور سمندر
  10. جنم روپ (ناول)
  11. نیلی نوٹ بُک
  12. رسی کی زنجیر
  13. رات کا پچھلا پہر
  14. رات کے مسافر
  15. تلاش وجود
  16. سورج کو ذرا دیکھ
  17. مجموعا ڈاکٹر انور سجاد


اعزازات سودھو

ڈاکٹر انور سجاد نوں 1989 وچ حکومت پاکستان نے اوہناں دی فنی خدمات اُتے تمغا حسن کارکردگی عطا کیتا ۔


وفات سودھو

انور سجاد ساہ دی کسر تے فالج وچ مبتلا رہے ۔ ڈاکٹر انور سجاد 84 ورھےآں دی عمر وچ لمبی علالت مگروں 6 جون 2019 نوں لہور وچ فوت ہو گئے ۔