ہونشو

ہونشو
مقام
متناسقات	36°N 138°E
مجموعۂ جزیرے	جاپانی مجموعہ الجزائر
رقبہ (كم²)	227939.66 مربع کلومیٹر
حکومت
ملک	جاپان
کل آبادی	104000000
[مکمل اسکرین پر]

ہونشو ( جاپانی : 本州 ، انگریزی : Honshu) جاپان دا سبھ توں وڈا جزیرہ ہے۔ ایہہ سگارو پنجوڑ دے پار ہوکائیڈو توں دکھن ولّ، سیتو اندرونی ساگر دے پار شکوکو جزیرہ دے شمال وچّ اتے کانمون پنجوڑ دے پار کیوشو توں اتلے چڑھدے وچّ واقع ہے۔ ہونشو دنیا دا ستواں سبھ توں وڈا جزیرہ ہے اتے انڈونیشیا دے جاوا جزیرےدے بعد دنیا دا دوجا سبھ توں زیادہ آبادی والا جزیرہ وی ہے۔ جاپان دا راجگڑھ ٹوکیؤ، ہونشو دے وچّ واقع ہے۔ ہونشو 'تے سنّ 2005 وچّ 10.3 کروڑ لوک رہِ رہے سن۔ اسدا رقبہ 2,27,962 مربع کلومیٹر ہے جو برطانیہ توں ذرا وڈا ہے اتے بھارت دے اتر پردیش صوبے توں تھوڑا چھوٹا ہے۔

ناں دا مطلب

جاپانی بولی وچّ ہون شو دا مطلب مکھ صوبہ ہندا ہے۔

جغرافیا

ہونشو دا زیادہتر حصہ اک پہاڑی علاقہ ہے جس اتے بہت سارے آتش فشاں وی پھیلے ہوئے ہن۔ اس جزیرے اتے اکثر بھچال آؤندے رہندے ہن اتے مارچ 2011 وچّ آئے بھوچال نے پورے جزیرے نوں اپنی جگہ توں 2.4 میٹر تکّ ہلا دتا سی۔ جاپان دا سبھ توں اچا پہاڑ فیوجی ہے جو کہ 3,776 میٹر ( 12,388 فٹّ ) اچا ہے، ہونشو اتے وافع ہے اتے اک سرگرم آتش فشاں ہے۔ اس پورے جزیرے دے وچکار وچّ کجھ پہاڑی سلسلے چلدے ہن جنہاں نوں کروہی روپ وچّ "جاپانی آلپس" (日本アルプス) دے ناں نال جانیا جاندا ہے۔ ہونشو اتے کئی دریا وگدے ہن، جنہاں وچّ جاپان دا سبھ توں لمبا دریا ، شنانو دریا (信濃川) وی شامل ہے۔

ہونشو دے چڑھدے ادھ وچّ کانٹو میدان (Kanto plain) ہے، جتھے بھاری کھیتی باڑی دی روایت ہے اتے صنعت بہت ترقی یافتہ ہے۔ ٹوکیؤ شہر اس میدان وچّ واقع ہے ۔ ٹوکیو توں علاوہ اوساکا، کوبے، ناگوآ اتے ہیروشیما ورگے اہم نگر وی ہونشو اتے ہی واقع ہن۔ کانٹو میدان اتے نوبی میدان ناں دے اک ہور میدانی علاقے وچّ چولاں اتے سبزیاں دی بھاری فصل اگائی جاندی ہے۔ ایہناں دے علاوہ ہونشو اتے سیب اتے ہور پھل وی اگائے جاندے ہن ۔

حوالے

 · جپان دے تھاں

ہوکیڈو · ٹوہوکو · کینٹو · چوبو · کینسائی · چوگوکو · شیکوکو · کیوشو