کیچپ

کیچپ اک مصالحا یا چٹنی اے ۔ جیہدے نال عام طور تے ٹماٹر کیچپ مراد اے ۔ اگرچہ اصل ترکیباں وچ دیگر اجزاء وچ آنڈےآں دی سفیدی ، مشروم ، انگور یا اخروٹ دا اِستعمال ہُندا اے ۔

ترکیب تے اجزا

ٹماٹر کیچپ ٹماٹر ، چینی تے سِرکے نال بݨایا جاندا اے ۔ ایہدے وچ مٹھاس شامل ہُندی اے تے وچ مُختلف قِسماں دے مصالحے تے ذائقے مختلف ہوسکدے نیں لیکن عام طور تے ایہناں وچ پیاز ، دھنیا ، لونگ ، زیرا ، لسن تے سرھوں شامل ہُندی اے تے بعض اوقات ایہدے وچ اجوین ، دار چینی یا ادرک وی شامل ہُندا اے ۔

ہینز ٹومیٹو کیچپ کمپنی

ہینز ٹومیٹو کیچپ (Heinz Tomato Ketchup ) امریکا وچ کیچپ بݨوݨ آلی سَبھ توں بڑی کمپنی اے ، امریکا وچ ایہدا مارکیٹ شیئر 60 فیصد (2020) اے ۔ برطانیا وچ وی ایہ کمپنی سَبھ توں زیادا کیچپ بیچدی اے تے ایہدا مارکیٹ شیئر 82 فیصد (2020 ) دے لگ بھگ اے ۔

کیچپ دا ورتاوا

ٹماٹر کیچپ اکثر پکواناں دے نال کھاݨے دے طور تے پیش کیتا جاندا اے ۔ عام طور تے گرما گرم کھاݨےآں دے نالپیش کیتا جاندا اے تے ایہ پکوان تلے ہوئے ہوسکدے نیں ۔ فرانسیسی فرائز تے تلے ہوئے آلو ، ہیم برگر ، چکن ڈرم سٹکس ، گرم سینڈوِچ ، گوشت پائے ، پکے ہوئے آنڈے تے گرل یا تلے ہوئے گوشت، تِکے دے نال عمومن کیچپ پیش کیتا جاندا اے ۔