انگور

انگور اک فروٹ دا ناں اے جیہڑا پتچڑی بوٹے لکڑی ویل دی ونڈ شراب انگور تے لگدا اے۔ انگور اینج ای کھادا جاسکدا اے یا فیر ایھدا جام، شراب، جیلی، سرکہ، کشمش بندے نیں۔ ایہ دنیا دے وڈے ناپ تے اگۓ گۓ فوٹاں وجوں اک اے تے 2010 وچ 68 ملین ٹن ایہ ہویا جیہڑا مالٹے (124 ملین ٹن ) کیلے (102 ملین ٹن) تے سیب (70 ملین ٹن ) مگروں چوتھے نمبر تے اے۔ ایہ گچھیاں وچ ہودا اے جیدے دانے نکے ہوندے نیں تے چٹے، انگوری، پیلے، ہرے پیلے، جامنی، کاسنی تے رتے رنگاں وچ ہوندا اے۔

تریخ

انگور 6000 توں 8000 ورے پہلے لیندے ایشیاء وچ بیجن دا مڈھ رکھیا گیا۔ شراب بنان دی ریت دے نشان 8000 ورے پہلے جارجیا وچ ملدے نیں۔ 110 ونڈاں دے جین دی کھوج کردیاں ہویاں ایہدے کھوجی جارجیا تک اپڑے جتھے اک پرانے پانڈے جوں شراب دے بچے ہوۓ نشان دسے۔ سب توں پرانی شراب بنان دی تھاں 4000 م پ وچ آرمینیا وچ سی۔ جامنی انگور پرانے مصری، یونانی تے فونیقی اگاندے سن۔ نویں صدی وچ ایران دے شہر شیراز وچ سب توں ودھیا شراب بندی سی۔ انگوراں دی اگائی فیر یورپ، اتلے افریقہ، امریکہ تک اپڑ گئی۔

وکھالہ

انگور دا فروٹ گچھیاں وچ لگدا اے جیدے وچ 15 توں 300 تک رس نال بھرے دانے ہوندے نیں۔ ایہدا رنگ چٹا، انگوری، پیلا، ہرا پیلا، کاسنی، جامنی تے رتے رنگ دے ہوسکدے نیں۔ ایہ گول تے لمبوترے ہوسکدے نیں۔ پاکستان وچ گول تے سندرخانی ونڈاں ملدیاں نیں۔

اگان

اک حساب وچ دنیا وچ 75,866 مربع کلومیٹر تھاں تے ایہدی اگائی ہوندی اے۔ ہونوالے 71% انگوراں نوں شراب بنان لئی 27% نوں فروٹ لئی کھان لئی تے 2% نوں سکا کے کشمش بنان لئی ورتیا جاندا اے۔

انگور پاکستان وچ 13000 ہیکٹر تھاں تے اگایا جاندا اے تے پاکستان دا 70٪ انگور بلوچستان وچ ہوندا اے. سلانہ ایہ 49 ہزار ٹن تک ہوندا اے۔ ایس نوں لمیاں تے گرم گرمیاں تے ٹھنڈے پالے دی لوڑ اے۔ مون سون دے مینہ وچ ایہنوں الی دے روگ نال انگور خراب ہوجاندے نیں۔

• پاکستان وچ انگور Archived 2021-09-21 at the وے بیک مشین