کاٹل
کاٹل (انگریزی: Katal یا Katil) سوریا ونشی راجپوت قوم دی ایک شاخ ہے ۔
تعارف
سودھوکاٹل قوم ہندوستان تے پاکستان وچ موجود پنجاب دے علاقیاں وچ پائی جاندی ہے ۔ اس قبیلے دے 360 گاؤں آباد نیں ، جنناں وچ 100 دے قریب ضلع نارووال تے گرداس پور وچ پائے جاندے نیں ۔ تے جموں وچ ایہناں دیاں یاددہانیاں موجود نیں ۔ ایہہ اپنے آپ نو سوریا ونشی ظاہر کردے نیں . ایہہ لوگ کھوکھروں وچ شادی نہیں کردے ۔
مذاہب
سودھومغل شہنشاہ اورنگزیب دے دور وچ کاٹل ، راؤ ، بلیل ، مال ، نہالہ ذات دے لوگ اسلام وچ منتقل ہو گئے۔ تے تحصیل شکرگڑھ دے کاٹل مسلمان نیں مگر جموں تے ہندوستان دے کاٹل ہندو نیں ۔
مختلف روایات کاٹلاں دے بارے وچ
سودھو1- روایت وچ ہے کہ راجہ تیڑو ، کرن، سومپال، برشپت ، اویگیدھیتا ، دیدھدتا، مہنہتا ، بیس پال ، رتن پال ، اٹر ، راجہ ساہسرانو ، راجہ سنتیل ، راجہ کیرٹ ، راجہ کوڑ ، راجہ چت ، راجہ گورا ، راجہ بھرت ، راجہ بل ، راجہ شیکھا تے اس کا بیٹا راجہ جیسرتھ ۔ ایہناں نو خیری پور توں غزنہ دے محمد نے کڈ کے جموں وچ منگلہ دیوی دے مقام تے وسایا ۔ ایہناں وچوں ایک راجہ کیرٹ دی اولاد ضلع سمبا گاؤں دے قریب جنگل وچ ڈکیتی کرن لگی ۔ اوہناں نے ضلع سمبا گاؤں دی ایک لڑکی نو اغواء کر لیا ۔ اس لڑکی دے بھائیاں نے اوہناں نو تحصیل شکرگڑھ دی بہت وڈے رقبے تے پھیلی ہوئی زمین دے دتی ۔ اوہناں نے اس جگہ تے بسیرا کیتا تے اس جگہ نو کاٹل دا نام دتا اوہناں دیاں نسلاں نو آج کل کاٹل کہیا جاندا ہے ۔
2- روایت وچ ہے کہ مغلاں دے دور وچ راجپوتاں دا ایک راجہ ہی جہنوں مغلاں تو شکست ہوئی تے مغلاں نے اوہنوں اوہدے علاقے وچوں نکال کے جموں دے علاقے وچ وسایا ۔ تے اوہناں دناں وچ شکرگڑھ تے جموں دے درمیان ایک جنگل ہویا کردا ہی ۔ اس راجہ نو کہیا گیا کہ صبح تو لے کے شام تک توں اس جنگل دے جتنے علاقے نو تہ کر لویں گا اتنا علاقہ تیرے حوالے کر دتا جائیگا ۔ اس راجہ نے ایسا ہی کیتا تے جو علاقہ وی حاصل کیتا اس دا نام کاٹل رکھ دتا جو پنجابی زبان دے لفظ کٹلی جسدے معنی بیابان علاقہ دے نیں رکھ دتا ۔ آج کل اس راجہ دیا نسلاں جو اس علاقے وچ وسدیاں نیں کاٹل دے نام تو پکاریاں جاندیاں نیں ۔