ڈپٹی کمشنر
ڈپٹی کمشنر (Deputy commissioner) سرکاری نوکری دا اک افسری عہدا اے ۔ ڈپٹی کمشنر ناں دا عُہدا برطانوی سابق نوآبادی مُلکاں وچ اِنتظامیا ، پولیس ، ٹیکس وصولی تے ہور مُختلف محکمیاں وچ موجود اے ۔ ڈپٹی کمشنر نوں ڈی سی وی کہیا جاندا اے ۔
پاکستان وچ ڈپٹی کمشنر سودھو
پاکستان وچ ڈپٹی کمشنر دا عُہدا فیڈرل بورڈ آف ریوینیو وچ انکم ٹیکس تے اِن لینڈ ریوینیو دے کھیتراں لئی ورتیا جاندا اے ۔ ایس توں علاوا ڈپٹی کمشنر دا عُہدا صوبائی محکما مال دے عہدے دار تے ضلعے دے انتظامی سرکاری افسر دے طور تے موجود اے ۔ پاکستان وچ ڈپٹی کمشنر دے کول ضلعی مجسٹریٹ دے اختیار وی ہُندے نیں ۔ ڈویژن دا انتظامی افسر ڈویژنل کمشنر ڈپٹی کمشنر توں اُپر تے تحصیل دا انتطامی افسر اسسٹنٹ کمشنر ڈپٹی کمشنر توں تھلے ہُندا اے ۔ پنجاب وچ ڈپٹی کمشنر دے تھلے ضلعے وچ ای مُختلف کھیتراں دے 3 ایڈیشنل ڈپٹی کمشنر ہُندے نیں جیہڑے ایڈیشنل ڈپٹی کمشنر (ریوینیو)، ایڈیشنل ڈپٹی کمشنر (جنرل) تے ایڈیشنل ڈپٹی کمشنر (فنانس) نیں ۔
محکما پولیس وچ ڈپٹی کمشنر سودھو
کچھ برطانوی نوآبادی مُلکاں وچ ڈپٹی کمشنر محکما پولیس دا اک عہدا اے ۔ ایہناں مُلکاں وچ تھلے دِتے گئے مُلک شامل نیں ۔
دوجے محکمیاں وچ ڈپٹی کمشنر سودھو
بھارت تے بنگلا دیش وچ محکما پولیس توں علاوا انکم ٹیکس تے ریوینیو دے محکمیاں وچ وی ایہ عُہدا رائج اے ۔