ڈاکٹر شیر شاہ سید
 | |
|---|---|
| جم | مارچ 26, 1952ء کراچی ، پاکستان |
| قلمی ناں | شیر شاہ سید |
| کم کِتہ | ماہرِ طب ، افسانہ نگار مصنف |
| بولی | اردو |
| شہریت |  پاکستانی |
| صنف | طب، افسانہ نگاری |
| ویب سائٹ | |
| http://koohigothhospital.org/ | |
ڈاکٹر شیر شاہ سید مشہور افسانہ نگار تے گائنی ڈاکٹر نیں ۔پاکستان وچ گائنی دے شعبے لئی انہاں دیاں خدمات ناقابلِ فراموش نیں ۔ کوہی گوٹھ ہاسپٹل دا منصوبہ تے تکمیل ڈاکٹر شیر شاہ سید دی طبی خدمات وچ نمایاں ترین کارنامہ ہے۔[۱]
حالاتِ زندگی
سودھوڈاکٹر شیر شاہ سید 26 مارچ،1952ء نوں ابوظفر آزاد[۲]تے عطیہ سید المعروف ڈاکٹر عطیہ ظفر سید دے گھر پیدا ہوئے ۔ انہاں دے اجداد بنگال توں سن۔ انہاں دی والدہ نے شادی دے بعد وی تعلیم نوں جاری رکھدے ہوئے ایم بی بی ایس کیتا تے اپنے اٹھ بچےآں نوں وی ی ایسے شعبے وچ تعلیم دلوائی ۔ والد نے عطیہ اسپتال دے کول میڈیکل اسٹور کھولیا تے غریباں نوں مفت دوائیاں دین تے انہاں دے روزمرہ دے مسائل حل کرن لگے۔ لہٰذا سماجی خدمت تے مسیحائی ڈاکٹر شیر شاہ سید نوں ورثے وج ملی ۔ ڈاکٹر شیر شاہ سید نے ڈاؤ میڈیکل کالج سندھ توں میڈیکل دی تعلیم مکمل کیتی تے بیرون ملک اسپشلائززیشن لئی چلے گئے ۔ گائنی دے شعبے وچ اعلیٰ ڈگری حاصل کیتی تے پاکستان آ کے اس شعبے وچ خاص طور اُپر فسٹولا دے علاج لئی بہت عملی اقدامات کیتے ۔ کوہی گوٹھ پراجیکٹ تے پھر کوہی گوٹھ ہسپتال دی تکمیل اُپر کم کیتا ۔
ادبی خدمات
سودھوڈاکٹر شیر شاہ سید اک بہترین افسانہ نگار وی نیں۔ اب تک انہاں دے کئی افسانےآں دے مجموعے تے ناول شائع ہو چکے نیں ۔ نیز گائنی دے شعبے وچ وی انہاں نے بہت ساریاں رہنمائی کتاباں اردو وچ لکھیاں نیں۔ انلہاں دے ناول تے افسانےآں دے مجموعے درج ذیل نیں۔
- دل کی وہی تنہائی
- جس کو دل کہتے ہیں
- دل کی بساط
- دل میرا بالا کوٹ
- دل ہے داغ داغ
- دل نے کہا نہیں
- غبار
- چاک ہوا دل
- دل ہی تو ہے
- کون دلاں دیاں جانے
- وہ صورت گر کچھ خوابوں کا
- جو دل نکلے تو دم نکلے
انہاں کتاباں توں حاصل شدہ آمدنی وی کوہی گوٹھ ہسپتال دے مریضاں دے علاج اُپر خرچ کیتی جاندی ہے ۔ پاکستان میں 2002ء دے زلزلے تے 2010ء دے سیلاب وچ ڈاکٹر شیر شاہ سید نے متاثرہ علاقےآں وچ اپنے ساتھی ڈاکٹراں دے نال دن رات کم کیتا تے بہت ساریاں قیمتی جاناں نوں بچان وچ کامیاب رہے ۔