پیٹھا
 کیسر پیٹھا | |
| کھان دا دورانیہ | مٹھا |
|---|---|
| اصلی وطن | برصغیر پاک و ہند |
| علاقہ یا ریاست | پنجاب |
| منسلک قومی پکوان | پنجابی پکوان |
| ورھا ایجاد | uncertain |
| بنیادی اجزاء | پیٹھا کدو، چینی |
| تغیرات | کیسر پیٹھا، انگوری پیٹھا، سُکا پیٹھا، چاکلیٹ پیٹھا، پان پیٹھا، گلاب پیٹھا |
| ~250 kcal | |
 Cookbook: پیٹھا  Media: پیٹھا | |
پیٹھا (Petha) پنجاب دا اک پارباسی نرم مٹھا اے جو پیٹھا کدو توں بݨایا جاندا اے۔
تیاری
سودھوپیٹھا کدو، اک سبزی اے جیہدا باہرلا حِصا ہلکا ہرا تے چِٹا ، موٹے بیجاں واݪا، اندروں لذیذ ہُندا اے جیہنوں پیٹھا بݨاؤݨ لئی استعمال کيتا جاندا اے۔ پیٹھا کدو نوں ٹکڑےآں وچ کٹیا جاندا اے تے فیر ایہنوں چونے دے محلول وچ چند گھنٹےآں لئی ٹھیک کيتا جاندا اے۔ پیٹھا کدو دے ٹکڑےآں نوں اودوں تک اباݪیا جاندا اے جدوں تک کہ اوہ چونے دے محلول توں کڈھے جاݨ توں بعد نرم نہ ہو جاݨ تے فیر اوہناں نوں ذائقے دار شیرے وچ پعھیوں دتا جاندا اے۔
ودھدی ہوئی طلب تے جدت دے ناݪ، تیاری دیاں ہور قسماں دستیاب نيں۔ بہت ساریاں ذائقے دار قسماں دستیاب نيں، جداں کیسر پیٹھا، انگوری پیٹھا وغیرا۔ مواد دی بنیاد اُتے تغیئرات نيں، ایہناں وچ ناریل مݪا کے، دوسرا ایہدے وچ کچھ گری دار میوے پا کے۔ بعض اوقات کیوڑا جوہر پیٹھے نوں ذائقا دݨ لئی استعمال کيتا جاندا اے۔
اجزاء
سودھوپیٹھا: 1 کلو
چینی: ادھا کلو
کھاݨے دا سوڈا: 1 کھاݨے دا چمچ
کیوڑا ایسنس: چند قطرے
چاندی دا ورق: حسب ضرورت
ترکیب
سودھوپیٹھے دے چھلکے لاہ کے ٹکڑے کٹو تے کٹݨ واݪے چمچ ناݪ سراخ کرلئو۔
اک پتیلی وچ کھاݨ آݪا سوڈا تے پاݨی پا کے مکس کرو تے پیٹھے دے ٹکڑےآں نوں سوڈے واݪے پاݨی وچ 3 توں 4 گھینٹے لئی پعھیوں دیو۔
ہُݨ ایہناں ٹکڑےآں نوں صاف پاݨی ناݪ تعھو کے اُبݪدے ہوئے پاݨی وچ پنج منٹ لئی چھڈ دیو۔
اس توں بعد ایہناں نوں چھانݨی وچوں کڈھ کے پاݨی خُشک کرلئو۔
فیر اک پین وچ پاݨی تے چینی پا کے شیرا تیار کرو تے کیوڑا ایسنس مکس کرلئو۔
ہُݨ ایہدے وچ پیٹھے دے ٹکڑے پاؤ تے ٹعھاک کے پنج منٹ پکاؤ۔
اس توں مگروں چُلھا بند کرکے چھڈ دیو۔
ہُݨ تیار شُدا پیٹھے نوں کمرے دے درجا حرارت اُتے ٹھنڈا ہوݨ دیو۔