گلاب

گلاب
پچھان
دیس:	بوٹے
برادری:	پھلوالے بوٹے
ٹبر:	گلاب ٹبر
ٹوکرہ:	گلاب
ونڈاں:	100

گلاب اک سدا ہری رین والی جھاڑی اے جیدا جوڑ گلاب دے ٹبر نال اے تے جیدے چ 100 توں ود ونڈاں دے وکھریاں رنگاں دے بوٹے ہیگے نیں۔ گلاب دا پھل پرانے ویلیاں توں اپنی سہنپ تے خوشبو لئی منیا تے اگایا گیا اے۔ گلاب دی چعاڑی سدی تے تکڑی ہوندی اے کج لیٹیاں وی ہوندیاں نیں جیدے تے تیز بچاں والے کنڈے لگے ہوندے نیں۔ ایہ وکھرے ناپ دے تے رنگاں دے وہندے نیں۔ پھل وڈے تے ٹوہری ہوندے نیں۔ چٹے، پیلے تے گلابی رنگ دے پھل والے زیادھ پسند ہوندے نیں۔ گلاب ایشیاء یورپ اتلے لیندے افریقہ تے اتلے امریکہ دا واسی اے۔

وکھالہ

پتے ٹاہنی تے آمنے سامنے دے بجاۓ اتے تھلے لگے ہوندے نیں۔ عام ونڈاں وچ ایہ 5 توں 15 سینٹی میٹر(2.0 توں 5.9 انچ) لمے ہوندے نیں تے ہر پتی دے کنڈے تے ٹک لگے ہوندے نیں۔ پتی دے تھلے مڈھ تے کنڈے وی ہوسکدے نیں۔ لامت ونڈاں دے پھلاں دیاں 5 پتیاں ہوندیاں نیں پر ریشمی گلاب دیاں 4 نیں۔

ورتن

گلاب اپنے پھلاں دی سہنپ باہجوں گھراں تے پھلواریاں وچ اگاۓ جاندے نیں۔ ایہ اپنی خوشبو لئی تے ایہدے گلدستیاں وچ ورتن لئی وی اگاۓ جاندے نیں۔

عطر گلاب

گلاب دے پھلاں نوں پعاف دے کے اودا تیل کڈیا جاندا اے جیڑا فیر خوشبو چ ورتیا جاندا اے۔

اگانا

گلاب واسطے چنگی زمین دی لوڑ ہوندی اے۔ ایدے تھلے تھاں گلی تے ہوے پر پانی کھلونا نیں چائیدا۔

گلاب دے روگ

کیڑے گلاب را رس چوس کس اینوں ماڑا کر دیندے نیں۔ ایناں دا ویری بیر بہوٹی اے۔ ایے نوں گلاباں نال ریناں چائیدا اے۔

گلاب، رہتل چ

گلاب دی پھلواری - سعدی - ایران

گلاب نوں پیار تے روپ دا نشان سمجیا جاندا اے۔ اے برطانیہ تے امریکہ دا قومی پھل وی اے۔

ونڈاں

• چینی گلاب
• ریشمی گلاب
• دمشقی گلاب
• مشکی گلاب
• جلیقی گلاب
• کنڈیالا گلاب

ہور پڑہو

• گلابی

مورت نگری

• 
• 
• 
• 
• 
• 
• 
• 

بارلے جوڑ

• مورتاں
• گلاب دے مطلب
• گلاباں دی دنیا