پونم بن ماڈم
| پونم بن ماڈم | |
| Poonamben Maadam
| |
| مِمبر لوک سبھا
| |
| ناں : | پونم بن ماڈم |
| جنمستھان : | جام نگر، گجرات (بھارت) |
| جمݨ تریخ : | 23 ستمبر 1974ء |
| کم : | سیاست دان |
| عہدا : | مِمبر بھارتی پارلیمنٹ (لوک سبھا) |
| سیاسی جماعت : | بھارتی جنتا پارٹی (2012 توں ہُݨ تَک) |
| سابقا سیاسی جماعت : | انڈین نیشنل کانگرس (2009 توں 2012 تَک) |
| اِنتخابی حلقہ : | جام نگر |
| جیون ساتھی : | پرمِندر کمار |
| نیاݨے : | 1 دھی (فوت شُدہ) |
پونم بن ماڈم، جام نگر توں تعلق رکھݨ آلی گجرات (بھارت) دی اک سیاست دان تے مِمبر بھارتی پارلیمنٹ (لوک سبھا) نیں ۔ پونم بن ماڈم بھارتی جنتا پارٹی ولوں 2014ء تے 2019ء دے لوک سبھا انتخابات وچ جام نگر دے حلقے توں مِمبر لوک سبھا مُنتخب ہویاں نیں ۔ اس توں پہلاں کھمبھالیا دے حلقے توں گجرات ریاستی اسمبلی دی مِمبر وی رہ چُکیاں نیں ۔
خاندانی پچھوکڑ
سودھوپونم دے والد 1972ء توں 1990ء دے دوران کھمبھالیا توں چار بار آزاد ایم ایل اے رہے سی ۔ جام نگر توں سابق کانگریس رُکن پارلیمنٹ وِکرم ماڈم اوہناں دے انکل نیں ۔ پونم دا بیاہ سابق دفاعی افسر پرمندر مہاجن نال ہویا ۔ 22 فروری 1995ء نوں اوہناں دی اک دھی جمی، جیہدا نام شیوانی سی ۔ شیوانی دیوالی وچ اگ نال جھلسݨ توں بعد سنگاپور وچ 9 دسمبر 2018ء نوں دورانِ علاج اِنتقال کر گئی ۔ پونم دے دادا رام بھائی ماڈم تعلیم دے میدان وچ آہیر/یادو برادری دے کماں وچ سرگرم سی ۔ پونم 2009ء تک دہلی وچ مقیم سی لیکن بعد وچ کھمبھالیا وچ مُنتقل ہو گئیاں ۔ اوہناں دا اصل تعلق کلیان پور توں سی ۔ اوہناں دے وڈے دادا جام نگر وچ آباد ہوگئے ۔
کیریئر
سودھواوہناں دے انکل وکرم ماڈم سیاست وچ پونم دے عروج اُتے خوش نئیں سی ۔ جَد پونم بن ماڈم کھمبھالیا دی سیٹ لئی کانگریس دے امکانی امیدواراں دی لِسٹ وچ شامل سی، وکرم ماڈم ہیبھا بھائی کرمور دی امیدواریئت لئی لابنگ کر رہے سی ۔ بعد وچ پونم کھمبالیا توں بطور امیدوار بھارتی جنتا پارٹی گجرات اسمبلی دی مِمبر مُنتخب ہوگئیاں ۔ اوہناں نے جام نگر دے حلقے توں 2014ء دے لوک سبھا انتخابات وچ بی جے پی دی امیدوار دی حیثیئت ناࢦ اِنتخاب لڑیا ۔ اوہناں نے اپݨے انکل وِکرم ماڈم ، کانگرس دے خلاف کامیابی حاصل کیتی ۔ اوہناں نوں کُل 484،412 ووٹ مِلے ۔ پونم 2019ء دے لوک سبھا انتخابات وچ بی جے پی دی امیدوار دی حیثیئت نال دوبارا مِمبر لوک سبھا مُنتخب ہوگئیاں ۔
پونم بن ماڈم اپریل 2015ء وچ گجرات ویراوال وچ منعقدہ 'بھاگوت کتھا' پروگرام دے دوران لائِم لائِٹ وچ آئیاں ، جِتھے پونم مجمعے وچ نچدیاں نظر آئیاں تے مجمعے ڡلوں تقریبن 3 کروڑ (500000 ڈالر) مالیئت دے کرنسی نوٹ صِرف 30 سکنٹ وچ نچھاور کیتے گئے ۔ پونم بن ماڈم نوں نریندر مودی دے قریبیاں وچوں سمجھیا جاندا اے ۔