پنجاڑ

پنجاڑ
دیس:	پاکستان
صوبہ	پنجاب
ضلع	ضلع راولپنڈی
تحصیل	کہوٹہ
بولی	پوٹھوہاری

پنجاڑ پاکستان دے صوبہ پنجاب وچ تحصیل کہوٹہ ضلع راولپنڈی دا اک گراں تے یونین کونسل اے۔ اے 0'39°33 اتر پاسے پئی لیک، تے 0'31°73 چڑدے پاسے کھڑی لیک تے واقع اے۔ سطح سمندر توں ایہدی اونچائی 795 میٹر (2611 فٹ) اے۔ اے اسلام آباد توں 39 کلومیٹر دور اے۔

تریخ

پنجاڑ گراں تے ایہدی پہاڑیاں تے جسخام نامی قبیلے دے لوکان نے بسیرا کیتا تے اج اوناں دی نسلاں اتھے رہندیاں نے۔

مذہب: پنجاڑ دے لوکاں دا مذہب اسلام اے۔

بولی: پنجاڑ دے لوکاں دی ماں بولی پنجابی اے۔ اے لوکی پنجابی دا پوٹھوہاری لہجہ بولدے نے۔

تھاں

راولپنڈی

اے اک پہاڑی گراں اے۔ جنگل، پعاڑ، پعاڑیاں، چھمبر تے برساتی نالے اس علاقے دا حسن نے۔

آلے دوالے

پنجاڑ دے اتر پاسے نرڑ تے کھڈیوٹ، لیندے پاسے دوبیرن خورد، چڑدے پاسے کشمیر تے دکھن پاسے ہوتھلہ تے کعوٹہ نیں۔

گراں

پنجاڑ دے نکے نکے علاقیاں وچ بنا موڑا، نکا، ہرلا، کھل چپڑیاں، اوسل، نلہ، سنبل، بھاری گلہ، بنڈ، کالا، ککوئی گلہ، براٹھیاں، سوہا، سائیں، پنجل باڑ، کولٹیا، لوانی، کنڈاں، ٹلھا، ٹیہری تے خارنگ شامل نے۔

لوک گنتی

پنجار دی لوک گنتی 10358 اے۔

چیڑ

سکول

پنجاڑ وچ 26 پرائمری سکول، 3 مڈل سکول تے 4 سیکنڈری سکول موجود نے۔

چیڑ پائن داکنگھارا

سرکاری عمارتاں

پنجاڑ دی یونین کونسل نمبر 31 اے۔ پنجاڑ وچ اک یوٹیلٹی سٹور، اک سرکاری ہسپتال، اک جنوراں دا ہسپتال، اک ڈاک خانہ تے محکمہ جنگلات دا دفتر اے۔

جنگلی جیون

چیڑ پائندی نر کون

پنجاڑ دے جنگلاں وچ جنگلی پرندے، بوٹے تے جنور پائے جاندے نے۔ چیڑ دا رکھ سب توں زیادہ پایا جاندا اے۔

نومبر توں مارچ تک پاکستان دے شمالی علاقیاں توں مختلف پرندے ہجرت کر کے اتھے اندے نے تے سردی ختم ہون تک پنجاڑ دے جنگلاں چ بسیرا کردے نے۔

بوٹے تے رکھ

پنجاڑ وچ وکھری قسماں دے بوٹے تے رکھ ہوندے نیں جناں وچ ٹاہلی، سنتھا، کمِلا،اُکؔن،تنی، تاوی، پھلائی، سرو، کوہ، کَسُؔنی، گھنیرہ، دھرُؔنی، بیری، ککوئی، ٹُسؔی، آخرا، پھگواڑی، منوئیاں، سمبل، دریک، سفیدہ، بٹؔی، کُروں (توت)۔ تمَؔن، رُمبل، کیکر، گرنڈا، اکؔ (چٹا اکؔ)، تِمبَر، دُدؔل ( اک ساگ دا ناں)، کلیاڑ (کلیاں دا ساگ)، بَھڑبِک (بَسوِک)، کیوَڑا، لَپھڑا، میداسک (میندسک)، بَیکڑ، چِٹاجنڈ، جامن، بوہڑ، پودنا، کعا (سروخا، کڑو، مک)، آملی، چیڑ، کھٹا (گرگل)، کچماچ، نکا ساگ، پھلیاں، امرود، خرمانی، ہاڑی، داخاں (آڑو)، ٹنگی، آلوچہ، بھیڑا، سیاؤں (وڈا بیر)، گول بیر، کچوروں، پٹاخی، موکڑی، ناخاں (ناشپاتی)، داخ (انگور) شامل نیں۔