پنجابی تندور
پنجابی تندور (گرمکھی: ਤੰਦੂਰ؛ شاہ مکھی:تندور) مٹی دا اک تندور اے جیہنوں روایتی طور تے پنجابی طباخی چ استعمال کیتا جاندا اے۔
پنجاب چ گھراں دے ویہڑیاں چ تندوری روٹی تے نان بݨاوݨ لئی تندور رکھݨ دی روایت عام اے۔ پنجاب دے دیہی علاقیاں چ سانجھے تندور رکھݨ دا رواج اے۔ روٹی تے نان توں علاوہ دوجے پکوان، مثلن تندوری مرغ وغیرہ پکاوݨ لئی وی تندور ورتیا جاند اے۔
شکل
سودھوپنجابی تندور روایتی طور تے مٹی دا بݨیا گھنٹھی نما تندور ہُندا اے۔ ایہنوں زمین چ لکڑیاں تے چارکول وغیرہ دا بھانبڑ لا کے تقریبن 480 درجہ حرارت تے روشن کیتا جاندا اے۔ پنجابی تندور نوں زمین دی سطح تے وی رکھیا جا سکدا اے۔
استعمال
سودھوپنجابیاں نے روایتی طور تے ہمیشہ پنجابی تندور نوں گوشت تے روٹیاں پکاوݨ لئی استعمال کیتا جا ندا اے۔ پنجابی ثقافت چ تندور دا استعمال ایس قدر اہمیت اختیار کر گیا سی کہ پنجاب لوک گیتوں چ وی ایہدے تذکرے ملدے نیں۔
پنجابی تندور تے بھٹی چ فرق
سودھوپنجابی تندور تے پنجابی بھٹھی چ فرق ہُندا اے۔ پنجابی بھٹی اِٹاں یا مٹی نال بݨائی جاندی اے تے ایہدے چ اک ای پاسیوں اگ لائی جاندی اے۔۔ پنجابی بھٹھی دے مونھ نوں اک دھاتی ڈھکݨ نال ڈھاک دتا جاندا اے تے اک سلنڈر دے ذریعے ایہدا دھواں خارج ہُندا اے۔ ایہجیاں بھٹھیاں وی ہُندیاں نیں جیہناں دے مونھ نوں مٹی نال بند کیتا جا سکے یا زیادہ مقدار چ کھاݨا پکاوݨ لئی اُپروں کھولی جا سکے۔ ایس طرحاں دیاں بھٹھیاں راجستھان چ بکثرت استعمال ہُندیاں نیں۔